16.12.2025 | 14:46
Ակադեմիական քաղաքի զարգացման նոր հայեցակարգ կընդունվի, 2 տարի առաջ ընդունվածն ուժը կորցրած կճանաչվի
Քերոբյանի համար տարբերություն չկա՞ 20 միլիարդի ու 50 միլիարդի միջև․ ըստ Վարդանյանի՝ Ամուլսարի հուշագիրը անհայտներով փաստաթուղթ է․ ՏԵՍԱՆՅՈՒԹ
Հասարակություն
10.03.2023 | 17:11
«Էկոնոմիակյի նախարարը չունի հիմնավորումներ, ոչ մի հարցի պատասխանը չունի, դրա համար էլ հանդիպումներից խուսափում է»,- «Ամուլսարի հանքը շահագործելու նոր փորձ. հաշվարկվա՞ծ են բնապահպանական, անվտանգային ռիսկերը» թեմայով քննարկման ժամանակ այս մասին նշեց «Հայաստանի անտառներ» ՀԿ ղեկավար, էկոլոգիական իրավունքի մասնագետ Նազելի Վարդանյանը՝ անդրադառնալով Ամուլսարի ծրագրի վերսկսման վերաբերյալ եռակողմ հուշագրի ստորագրմանը։
Հիշեցնենք, որ փետրվարի 22-ին էկոնոմիկայի նախարար Վահան Քերոբյանը հայտարարեց, որ Ամուլսարի ոսկու հանքը կշահագործվի, ՀՀ կառավարությունը 250 միլիոն դոլար արժողությամբ համաձայնագիր է ստորագրել «Լիդիան Արմենիա» ընկերության և Եվրասիական զարգացման բանկի հետ։ Նշվեց, որ հանքի շահագործման դիմաց Հայաստանը ստանալու է «Լիդիան Արմենիա» ընկերության բաժնետոմսերի 12,5 տոկոսը։
Վարդանյանը հիշեցրեց, որ եռակողմ հուշագրի ստորագրման օրը, երբ էկոնոմիկայի նախարարին հարց ուղղեցին, թե որքան օգուտ է բերելու ՀՀ-ին Ամուլսարի շահագործումը, կոնկրետ թիվ պետք է նշեր, բայց տարբեր թվեր ասաց․ «Բոլոր վնասներն ու օգուտները պետք է հաշված լինեին, բայց սկզբից ասաց՝ 50 միլիարդ դրամ, հետո տեղից հուշեցին, ասաց՝ 30-40 մլրդ դրամ, հետո էլ Հանրայինում հարցազրույցի ժամանակ 20 միլիարդ դրամ նշեց։ Ես չեմ հասկանում՝ էկոնոմիկայի նախարարի համար տարբերություն չկա՞ 20 միլիարդի ու 50 միլիարդի միջև։ Եթե մարդը այդ թվի վերաբերյալ մի օրում մի քանի բան է ասում, ի՞նչ երաշխիք ունենք, որ վաղը, մյուս օրը չի ասի՝ ես ի՞նչ իմանայի, ես հո բնապահպա՞ն չեմ»,- նշեց Վարդանյանը։
Նա նաև հիշեցրեց, որ բացի դրանից՝ Քերոբյանը խոսել է 1 տոկոս ՀՆԱ-ի ավելացման մասին․ «Սակայն հայտնի չէ՝ այդ թիվը որտեղից է վերցրել, ի՞նչ թվաբանությամբ է հաշվարկ կատարվել»։
«Էկոնոմիկայի նախարարը ստորագրել է մի հուշագրի տակ, որն անհայտներով փաստաթուղթ է։ Դա իրավական փաստաթուղթ չէ։ Հասկանալի չէ, ինչու էին շոու անում, հավանաբար հանրային տրամադրություններն էին ստուգում։ Ներդրվող գումարները, նույնիսկ 100 միլիոնը, որի մասին խոսվում է, դա չկա, փուչիկ է։ Չի նշվում՝ ով է լինելու մյուս ներդրողը, այսինքն՝ եթե անգամ «Գորշ գայլերը» ներդրում անեն, պետք է վերցնե՞նք։ Հասկանալի չէ՝ այս տրամաբանությունն ինչին է միտված»։
Վարդանյանի դիտարկմամբ՝ այս ամենի հետևանքով՝ ավելի վտանգավոր դարձնելով Ջերմուկը՝ վաղը կունենանք դատարկ Ջերմուկ։
Մանրամասները՝ տեսանյութում։
