05.11.2024 | 12:30
Եվրամիությունը նախատեսում է Հայաստանին 270 մլն եվրոյի չափով աջակցություն տրամադրել․ Պարույր Հովհաննիսյան
Կիմ Չեն Ընը հրահանգել է ավելի ինտենսիվ զորավարժություններ անցկացնել՝ «իրական պատերազմի» պատրաստ լինելու համար
Քաղաքականություն
10.03.2023 | 18:42
Կորեական թերակղզում աճող լարվածության ֆոնին Հյուսիսային Կորեայի առաջնորդ Կիմ Չեն Ընը հրահանգել է ավելի ինտենսիվ զորավարժություններ անցկացնել՝ «իրական պատերազմի» պատրաստ լինելու համար։ Հյուսիսկորեական պետական KCNA գործակալության հաղորդմամբ՝ Կիմ Չեն Ընը նախօրեին դստեր ուղեկցությամբ հետևել է դաշտային հրետանային վարժանքներին, գրում է DW-ի ռուսական ծառայությունը։
Գործակալության հրապարակած լուսանկարները ցույց են տալիս, որ զորավարժությունների ընթացքում միաժամանակ արձակվել է առնվազն վեց հրթիռ։
«Հարվածային առաքելությունների համար» պատրաստված ստորաբաժանումները «հզոր կրակոցներ են արձակել թիրախային ջրերում» և ցուցադրել «իրական պատերազմին դիմակայելու» ունակությունը, գրում է KCNA-ն։
Զորավարժություններին հետևելիս Կիմ Չեն Ընը զինվորականներին ասել է, որ պատրաստ լինեն կատարել «երկու ռազմավարական խնդիր․ առաջինը՝ զսպել պատերազմը, և երկրորդ՝ նախաձեռնություն ցուցաբերել պատերազմում»։
Տաթև Ֆռանգյան
