05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
ԲԱՆԱՎԵՃ․ Ադրբեջանը սպառնում է ռազմական ուժով՝ ինտեգրումից խոսելով․ պատերազմի՞, թե խաղաղության ենք գնում
Քաղաքականություն
09.03.2023 | 21:02
Ադրբեջանը, որ շուրջ երեք ամիս փակ է պահում Լաչինի միջանցքը, վերջին օրերին աստիճանաբար վերադառնում է ռազմական սպառնալիքներին և գործելակերպին։ Մարտի 1-ին Իվանյանում ԼՂ-ի ներկայացուցիչների հետ հանդիպումից հետո Ադրբեջանի դիվերսիոն խումբը սպանեց արցախցի երեք ոստիկանի։ Փետրվարի 28-ին ադրբեջանցիները կրակ էին բացել դաշտերում գյուղատնտեսական աշխատանք իրականացնող արցախցիների ուղղությամբ։ Մարտի 2-ին և 3-ին Ադրբեջանը թիրախավորել էր ԼՂ-ի ՊԲ-ի դիրքերը՝ փորձելով շարքից հանել իր սադրանքներն արձանագրող տեսախցիկները։
Արցախի նախագաըն ստիպված եղավ ի լուր աշխարհի բարձրաձայնել Ադրբեջանի ներկայացրած վերջնագրի մասին՝ կա՛մ Ստեփանակերտը կհամաձայնվի ինտեգրման ադրբեջանական քաղաքականությանը, կա՛մ խնդիրների լուծման փոխարեն՝ ավելի կոշտ քայլեր կլինեն։ Չուշացավ նաև Ադրբեջանի ՊՆ-ի հայտարարությունը, որում Հայաստանին մեղադրում են ռուսական շարասյուներով Լեռնային Ղարաբաղ զինամթերք տեղափոխելու համար։ Բաքվից սպառնում են զինաթափել ԼՂ-ի զինված կազմավորումները, ենթադրաբար՝ ԼՂ ՊԲ-ին են թիրախավորում։
Այսօր էլ խոսեցին Հայաստանի և Ադրբեջանի ղեկավարները։ Եթե խաղաղ արցախցիների սպանությունները չդադարեցնող Իլհամ Ալիևը Բաքվի գլոբալ ֆորումի բացմանը «լավ կյանք» է խոստացել արցախցիներին՝ ասելով, թե հակամարտությունն իր վերջը պետք է ունենա, ապա Նիկոլ Փաշինյանն այսօր Կառավարության նիստում ահաբեկչություն որակեց Ադրբեջանի հարձակումը ոստիկանների վրա՝ նշելով, որ Բաքվի նպատակը վիժեցնելն է Արցախի ներկայացուցիչների հետ հետագա բանակցություններն ու նոր սադրանքի համար անհրաժեշտ ֆոն ստեղծել։
Սադրանքից առաջ Ադրբեջանը ստեղծում է կեղծ ապացույցներ, թե Հայաստանից դեպի Լեռնային Ղարաբաղ զենք-զինամթերք է տեղափոխվում։ Այս օրերին Բաքվում և Երևանում էին ԱՄՆ-ի, Ֆրանսիայի համանախագահները, ԵՄ-ի ներկայացուցիչը Հարավային Կովասում։ Տոյվո Կլաարի խնդիրը Փաշինյան-Ալիև նոր հանդիպման նախապատրաստումն է Բրյուսելում։ Դեռ օրվա մասին չի հայտարարվել։
Թե՛ Կլաարը, թե՛ Լավրովը խոսեցին Լաչինի միջանցքում սքաներ սարքեր տեղադրելու նպատակահարմարությունից՝ ընդգծելով, որ այն պետք է հսկեն ռուս խաղաղապահները։ Մինչդեռ Ադրբեջանի պահանջը սեփական ներկայությունն է միջանցքում։
Ո՞ւր են գնում այս պրոցեսները՝ ապագայում ռազմական գործողություննե՞ր, թե՞ խաղաղության պայմանագրի շուրջ կարող է համաձայնություն ստացվել։
Factor TV-ի տաղավարում հրավիրված քննարկմանը մասնակցում են հանրային գործիչ, Բերդ ՀԿ ներկայացուցիչ Արփի Թոփչյանը, Անվտանգության քաղաքականության հետազոտական կենտրոնի փորձագետ Ռոբերտ Ղևոնդյանը, քաղաքական վերլուծաբան Արմեն Հովհաննիսյանը, ԼՀԿ անդամ Դավիթ Խաժակյանը, քաղաքագետ Հարություն Մկրտչյանը։
