ՌԴ-ն կապ չունի Վրաստանում բողոքի ցույցերի և «օտարերկրյա գործակալների» մասին օրենքի հետ. Պեսկով

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Ռուսաստանը ոչ մի կապ չունի Վրաստանում «օտարերկրյա գործակալների» մասին օրենքի նախագծի, ինչպես նաև բողոքի ցույցերի հետ, որոնց պատճառ է դարձել այդ փաստաթուղթը։ Այս մասին լրագրողների հետ ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը, գրում է Գազետան։

Ռուս պաշտոնյան այսպես է մեկնաբանել ԱՄՆ-ի հայտարարությունները, թե օրինագիծը ոգեշնչված է Կրեմլից։

«Ոչինչ Կրեմլից չի ոգեշնչվել, Կրեմլը բացարձակապես կապ չունի դրա հետ»,- հայտարարել է նա։

Նրա խոսքով՝ նման օրենքներում «ռահվիրա» է դարձել ԱՄՆ-ը։

«Նույնիսկ օրինագծի տարբերակներից մեկը (Վրաստանում ներկայացված – խմբ.), եթե ճիշտ ենք հասկանում, շատ նման էր ԱՄՆ-ի նմանատիպ օրենքին, երկրորդ տարբերակն ավելի քիչ նման էր ԱՄՆ-ի օրենքին, իր էությամբ շատ ավելի մեղմ էր։ Բայց, իհարկե, մենք ո՛չ մեկի, ո՛չ էլ մյուսի հետ կապ չունենք»,- վստահեցրել է Կրեմլի խոսնակը։

Նա նաև հայտարարել է, որ Վրաստանում տեղի ունեցող անկարգություններն «առաջացնում են Կրեմլի անհանգստությունը», քանի որ Ռուսաստանի Դաշնության համար կարևոր է, որ «հանգիստ լինեն» իր սահմանները։

«Վրաստանը, ամեն դեպքում, մեզ հարևան պետություն է, և չնայած այն բանին, որ մենք, որպես այդպիսին, Վրաստանի հետ հարաբերություններ չունենք, այնուամենայնիվ, այնտեղ իրադրությունը չի կարող չառաջացնել մեր անհանգստությունը: Իհարկե, մեզ համար կարևոր է, որ խաղաղություն լինի մեր սահմանների շրջագծում, սակայն այստեղ իրավիճակը կարող էր ավելի լավ լինել»,- ասել է Պեսկովը։

Կրեմլի խոսնակը Ռուսաստանի քաղաքացիներին, ովքեր այժմ գտնվում են Վրաստանում, հորդորել է զգույշ լինել երկրում տեղի ունեցող վերջին իրադարձությունների ֆոնին։

Հիշեցնենք՝ Վրաստանի խորհրդարանի կողմից «օտարերկրյա գործակալների» մասին օրինագծի՝ առաջին ընթերցմամբ ընդունումից հետո Թբիլիսիի կենտրոնում երկու օր շարունակ բողոքի ակցիաներ են տեղի ունեցել, որոնք ուղեկցվում են ոստիկանության հետ բախումներով։

Տաթև Ֆռանգյան