07.05.2024 | 22:27
Երևանի Նորաշեն թաղամասում ավտոբուս է այրվել
«Ստով և զրպարտություններով լի»․ Բաքվի նյարդային արձագանքը ՀՀ ԱԳՆ հայտարարությանը
Քաղաքականություն
09.03.2023 | 14:40
Ադրբեջանի ԱԳՆ-ն հերթական անգամ բավական նյարդային կերպով է արձագանքել ՀՀ ԱԳՆ-ի նախօրեի հայտարարությանը՝ կապված Բաքվի ստահոդ թեզերի տարածման հետ։
Ինչպես միշտ՝ Բաքուն Հայաստանի հայտարարությունները որակել է «ստով ու զրպարտություններով լի» և Երևանին անհիմն ու առանց փաստերի մեղադրանքներ ներկայացրել։
«Հայաստանը հերթական անգամ կեղծավորությամբ հերքում է «Խանքենդի-Խալֆալի-Տուրսու» գրունտային ճանապարհը ռազմական նպատակներով օգտագործելու փաստը՝ հայկական զինված ուժերի մեքենաներ տեղափոխելու համար, ինչն արձանագրել են Ադրբեջանի ԶՈւ ստորաբաժանումների տեսախցիկները և ցուցադրվել է ՊՆ-ի կողմից։ Միանգամայն անհիմն է մեղադրել Ադրբեջանին իր պարտավորությունները չկատարելու մեջ»,- ասվում է հաղորդագրության մեջ։
Ադրբեջանին ԱԳՆ-ն չի նշում, որ հրապարակված տեսանյութում հստակություն չկա, բացակայում է փաստ, որ մեքենայով զենք է տեղափոխվում, բացի այդ՝ չկա որևէ ապացույց, որ մեքենան պատկանում է ՀՀ ԶՈՒ-ին, ինչպես կեղծ պնդում է անում Բաքուն, և որ ՀՀ-ն Արցախում զինված ուժեր չունի։
«Անընդունելի է, որ Հայաստանը, ձգտելով խեղաթյուրել Արդարադատության միջազգային դատարանի վերջին որոշումը և իր երազանքները որպես իրականություն ներկայացնել, Ադրբեջանին ներկայացնում է պահանջներ, իբր, որոշման կատարումից խուսափելու մասով»,- նշում է Բաքվին։
«Ադրբեջանի դեմ հայկական կողմի «ագրեսիվ քաղաքականությունն ու անօրինական գործողությունները» կանխելու համար անհրաժեշտ է սահմանային անցակետ ստեղծել Լաչինի ճանապարհի սկզբնամասում»,- հավելել է Ադրբեջանի ԱԳՆ-ն՝ ևս մեկ անգամ բացահայտելով Արցախը երեք ամիս շրջափակման մեջ պահելու և մարտի 5-ի ահաբեկչական հարձակումը կազմակերպելու նպատակներից մեկը։
Էմմա Չոբանյան
