16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
44-օրյա պատերազմից հետո զգալիորեն մեծացել է կանանց մասնակցությունը մարտական պատրաստության դասընթացներին․ ՏԵՍԱՆՅՈՒԹ
Հասարակություն
09.03.2023 | 12:18
Հայաստանում անվտանգության և խաղաղության գործընթացներում կանանց ներգրավվածության հեռանկարների վերաբերյալ հետազոտություն է իրականացվել։ «Կանայք՝ անվտանգության և խաղաղության գործընթացներում» թեմայով համաժողովի ընթացքում հետազոտության արդյունքները ներկայացրեց Գենդերային փորձագետ, womennet կայքի խմբագիր Թամարա Հովնաթանյանը։
Նրա խոսքով ՝ ուսումնասիրությունը վերահաստատել է, որ կանայք կարևոր դերակատարում ունեն հակամարտություններով պայմանավորված արտակարգ իրավիճակներում, ստանձնում են ընտանիքի կենսապահովման, գոյատևման առաքելությունը, ինքնակազմակերպվում են, ակտիվ գործունեություն են ծավալում՝ իրենց համայնքների անվտանգության և պաշտպանության ապահովման և մարդասիրական աջակցություն ցուցաբերելու նպատակով, ինչպես նաև անհրաժեշտության դեպքում մասնակցում են ռազմական գործողություններին, որպես մարտիկներ, հատկապես սահմանամերձ համայնքներում։
Կանանց մասնակցությունը կարևորվում է հակամարտության բոլոր փուլերում, հետաքրքիր է, որ 44-օրյա պատերազմից հետո զգալիորեն մեծացել է կանանց մասնակցությունը մարտական պատրաստության դասընթացներին»,- նշեց Հովնաթանյանը։
Փորձագետն ուշադրություն հրավիրեց նաև այն հանգամանքի վրա, որ բանակցային գործընթացներում կանայք ներգրավված չեն․ «Սա խաղաղության և անվտանգության գործընթացներում կանանց ներուժի անտեսում է։ Պետությունն ընդունում է այս փաստը»։
Մանրամասները՝ տեսանյութում։
