26.07.2026 | 12:45
Արաղչին և Կալլասը հեռախոսազրույցում քննարկել են տարածաշրջանային և միջազգային զարգացումները
ՄԱԿ-ի գլխավոր քարտուղարը ժամանել է Կիև
Քաղաքականություն
08.03.2023 | 13:00
ՄԱԿ-ի գլխավոր քարտուղար Անտոնիո Գուտերեշը Կիևում է։ Մարտի 7-ի երեկոյան նա ժամանել էր Լեհաստան, իսկ մարտի 8-ի գիշերը՝ Ուկրաինայի մայրաքաղաք, գրում է DW-ի ռուսական ծառայությունը։
Լայնածավալ պատերազմի սկզբից ի վեր Կիև իր երրորդ այցի ընթացքում ՄԱԿ-ի ղեկավարը կհանդիպի Ուկրաինայի նախագահ Վլադիմիր Զելենսկիի հետ։ Բանակցությունների հիմնական թեմաներից մեկը կլինի Սև ծովով ուկրաինական հացահատիկի արտահանման գործարքի երկարաձգումը, որի ժամկետը լրանում է մարտի 19-ին։ ՄԱԿ-ը պնդում է Ռուսաստանի հետ այս համաձայնագրի ևս մեկ երկարաձգման մասին։
ՄԱԿ-ը և Թուրքիան 2022 թվականի հուլիսին համոզել են Ռուսաստանին դադարեցնել ուկրաինական սևծովյան նավահանգիստների շրջափակումը, որպեսզի բացվի Ուկրաինայից հացահատիկի արտահանման հնարավորությունը։
«Հացահատիկի գործարքը» կնքվել է չորս ամսով և թույլ է տվել հացահատիկ արտահանել Սև ծովի ուկրաինական երեք նավահանգիստներով։ Նոյեմբերին պայմանագիրը երկարաձգվեց եւս չորս ամսով։
Ուկրաինան հացահատիկ արտահանող աշխարհի խոշորագույն երկրներից մեկն է։ Մինչ լայնածավալ ներխուժման սկիզբը՝ Ռուսաստանը և Ուկրաինան ապահովում էին հացահատիկի համաշխարհային արտահանման մոտ մեկ քառորդը։ Անցյալ տարվա ապրիլից Եվրամիությունը դյուրացրել է ուկրաինական հացահատիկի արտահանումը ցամաքով, երկաթուղիներով և գետերով «համերաշխության ուղիներով»։
Տաթև Ֆռանգյան
