22.11.2024 | 12:24
Ադրբեջանի Մեջլիսը «կողմնակալ, ոչ օբյեկտիվ և անարդար» է անվանել Լյուքսեմբուրգի խորհրդարանի բանաձևը
ՀՀ-ն պատերազմի պիտի պատրաստվի․ ռուս-թուրքական սպառնալիքները, պրովոկացիաները կշարունակվեն․ Հրաչյա Արզումանյան. ՏԵՍԱՆՅՈՒԹ
Քաղաքականություն
07.03.2023 | 21:17
Մարտի 5-ին Լեռնային Ղարաբաղի երեք ոստիկանի սպանելուց, մեկին՝ վիրավորելուց հետո Ադրբեջանը սպառնացել է Լեռնային Ղարաբաղի իշխանություններին՝ «կամ ընդունում են ինտեգրացիոն քաղաքականությունը, կամ խնդիրները չեն լուծվելու, հակառակը՝ լինելու են ավելի կոշտ և կտրուկ քայլեր»։
Նախագահ Արայիկ Հարությունյանը տեղեկացրեց ԱԽ նիստում, որ դա չեն ընդունել:
«Մեր ժողովրդի գերակշիռ մեծամասնությունն ընդունում է, որ մենք մեր անկախության իրավունքից, ինքնորոշման իրավունքից չենք շեղվելու: Իսկ դա նշանակում է, որ առաջիկայում ունենալու ենք տարբեր զարգացումներ, իրավիճակներ, որոնց պետք է դիմակայենք»,- ասել է նա:
Ազգային անվտանգության և ռազմական հարցերով փորձագետ, քաղաքական գիտությունների դոկտոր Հրաչյա Արզումանյանը նշում է, որ Արայիկ Հարությունյանը, իբրև Արցախի հանրապետության նախագահ, այլ կերպ արտահայտվելու իրավունք չունի:
«Եթե ասեր՝ կողմ է ինտեգրմանը, պետք է հրաժարական տար։ Ինքն ընտրվել է որպես Արցախի Հանրապետության նախագահ, և պարտավոր է պահպանել Արցախի ինքնիշխանության սկզբունքները։ Եթե այլ մոտեցում լինի, դա մեծ պարտություն կլինի։ Ադրբեջանը միշտ բաց ասում է իր սպառնալիքների մասին, ինչո՞վ է սա նորություն հայկական հասարակության համար։ Մի քիչ տարօրինակ է, թե ինչու են հայաստանյան որոշ ինստիտուտներ եկել եզրակացության, որ հարցը լուծված է, և Ադրբեջանի ու նրան աջակցող ուժային կենտրոնների հետ կարելի է ուրիշ լեզվով խոսել, մի քիչ տարօրինակ է»,- ասաց Հրաչյա Արզումանյանը։
Փորձագետը նշում է, որ ռուս-թուրք-ադրբեջանական պրովոկացիաները և սպառնալիքներն առաջիկայում էլ շարունակվելու են, ինչը նշանակում է, որ ՀՀ-ն պետք է պատերազմի պատրաստվի։
Հարցազրույցն ամբողջությամբ՝ տեսանյութում։
Ռոբերտ Անանյան
