13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Էրդողանը մարտի 10-ին կնշանակի ընտրությունների անցկացման օրը
Քաղաքականություն
07.03.2023 | 15:17
Թուրքիայի նախագահ, իշխող «Արդարություն և զարգացում» կուսակցության ղեկավար Ռեջեփ Թայիփ Էրդողանը հայտարարել է, որ ընտրական գործընթացը սկսվելու է նախագահական հրամանով՝ մարտի 10-ին, իսկ նախագահական և խորհրդարանական ընտրությունները տեղի են ունենալու մայիսին 14-ին, գրում է Bianet-ը։
Էրդողանը նշել է, որ Թուրքիային անհրաժեշտ է ուժեղ կառավարություն՝ վերքերը բուժելու և երկիրը փետրվարի 6-ի երկրաշարժի հետևանքներից վերականգնելու համար, որը «դարի աղետն էր»։
«Ընտրական գործընթացը երկրաշարժերից տուժածների հետևանքով առաջացած ջանքերը վտանգում է այն քաղաքական լարվածությամբ, որն այն բերում է»,- ասել է Էրդողանը՝ նշելով, որ Թուրքիան պետք է «կենտրոնանա, որպեսզի արագ վերականգնվի աղետի վերքերից ու վնասներից»: Հետևաբար, ընտրությունների գործընթացը, որը կհանգեցնի օրակարգի փոփոխության, պետք է հնարավորինս շուտ լինի, հավելել է նա։
Էրդողանը նաև նշել է, որ իրենք չեն ցանկանում անցկացնել նախընտրական քարոզչություն, որը ստեղծում է քաղաքական լարվածություն ու վեճեր, երբ «երկրի մի մասը քանդված է, մարդիկ կորցրել են իրենց տները, աշխատանքը»:
Հավելենք, որ նախօրեին էլ ընդդիմադիր դաշինքը հայտարարեց, որ նախագահի միասնական թեկնածուն Ժողովրդահանրապետական կուսակցության նախագահ Քեմալ Քըլըչդարօղլուն է։
Էմմա Չոբանյան
