16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՆԱՏՕ-ի տվյալներով՝ ՌԴ-ն Բախմուտի մարտերում հինգ անգամ ավելի շատ զինծառայող է կորցրել, քան Ուկրաինան
Քաղաքականություն
07.03.2023 | 15:42
ՆԱՏՕ-ի հետախուզության տվյալներով՝ ռուսական զորքերը Դոնեցկի շրջանում Բախմուտ քաղաքի մարտերում հինգ անգամ ավելի շատ զինծառայող են կորցրել, քան Ուկրաինան։ Այս մասին անանունության պայմանով CNN-ին ասել է ՆԱՏՕ-ի պաշտոնյաներից մեկը, գրում է Meduza-ն։
Լրատվամիջոցի աղբյուրը ստույգ տվյալներ չի ներկայացրել կողմերի կորուստների վերաբերյալ, սակայն նշել է, որ չնայած նման համամասնությանը՝ Ուկրաինան, այնուամենայնիվ, զգալի կորուստներ է կրում Բախմուտը պաշտպանելիս։
Հունվարին Der Spiegel-ը հաղորդել է, որ գերմանական հետախուզության տվյալներով՝ ուկրաինական բանակն ամեն օր քաղաքի մարտերում եռանիշ թվով զինծառայողներ է կորցնում։
Ըստ CNN-ի էլ՝ Ուկրաինայի պաշտոնյաները բազմիցս հայտարարել են, որ Բախմուտի մարտերի ժամանակ ուկրաինական կողմը ռուսական կողմին զգալի վնաս է պատճառում։
Ուկրաինայի նախագահ Վլադիմիր Զելենսկին էլ պատերազմի 376-րդ օրվա արդյունքներն ամփոփող տեսաուղերձում մեկնաբանելով Բախմուտի պաշտպանությունը շարունակելու որոշումը՝ նշել էր, որ ամբողջ պատերազմում քաղաքն «ամենամեծ արդյունքներից մեկն է տալիս»:
Էմմա Չոբանյան
