07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Ֆրանսիայի ԱԳՆ-ն՝ Արցախում Ադրբեջանի իրականացրած դիվերսիայի մասին
Քաղաքականություն
07.03.2023 | 13:08
Ֆրանսիայի ԱԳՆ-ն անդրադարձել է մարտի 5-ին Արցախում Ադրբեջանի զինված ուժերի իրականացրած դիվերսիային։
«Մենք ցավում ենք մարտի 5-ին այս լուրջ միջադեպի հետևանքով զոհերի համար, որի ընթացքում Լաչինի միջանցքի հարևանությամբ ոստիկաններին տեղափոխող տրանսպորտային միջոցը հարձակման է ենթարկվել ադրբեջանական ուժերի կողմից Ռուսաստանի խաղաղապահ ուժերի պատասխանատվության գոտում։Միջադեպը պետք է հետաքննվի։ Մենք կողմերին կոչ ենք անում նաև խոստորեն պահպանել հրադադարը»,- ասվում է Ֆրանսիայի ԱԳՆ հաղորդագրության մեջ։
Հիշեցնենք, որ մարտի 5-ին ժամը 10։00-ի սահմաններում Արցախում ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ էր բացել ոստիկանության անձնագրային և վիզաների վարչության անձնակազմի հերթափոխի մեքենայի վրա։ ԱՀ ՆԳՆ ոստիկանության հաղորդմամբ՝ դիվերսիոն ներթափանցման հետևանքով զոհվել է ոստիկանության 3 ծառայող. փոխգնդապետ՝ Արմեն Մայորի Բաբայանը, մայոր՝ Դավիթ Վալերիի Դանիելյանը և լեյտենանտ՝ Արարատ Թելմանի Գասպարյանը: Եվս մեկ ծառայող՝ լեյտենանտ Դավիթ Աշոտի Հովսեփյանը, ստացել է հրազենային վիրավորում։
Էմմա Չոբանյան
