29.11.2024 | 18:41
Կրեմլը՝ Մոսկվա Ասադի այցի լուրերի և Սիրիայում թուրքամետ ուժերի՝ դեպի Հալեպ առաջխաղացման մասին
Բայրամովն ԱՄՆ պետքարտուղարի օգնականի հետ հանդիպմանը բողոքել է Հայաստանից
Քաղաքականություն
06.03.2023 | 17:21
Ադրբեջանի ԱԳ նախարար Ջեյհուն Բայրամովը Կատար այցի շրջանակում հանդիպել է ԱՄՆ պետքարտուղարի միջազգային կազմակերպությունների գծով օգնական Միշել Սիսոնի հետ, հաղորդում է Ադրբեջանի ԱԳՆ-ն։
«Հանդիպման ընթացքում մտքերի փոխանակություն է տեղի ունեցել Հարավային Կովկասում տիրող իրավիճակի, ամերիկա-ադրբեջանական երկկողմ հարաբերությունների, ինչպես նաև բազմակողմ հարթակներում համագործակցության հարցերի շուրջ»,- ասվում է հաղորդագրության մեջ։
Բացի այդ, Բայրամովը բողոքել է Հայաստանից՝ ավանդույթի համաձայն անհիմն մեղադրանքներ ներկայացնելով։
«Նախարարը նշել է, որ չնայած խաղաղության հասնելու Ադրբեջանի ջանքերին՝ Հայաստանը չի հրաժարվում «սադրանքներից», ինչպես նաև շարունակում է ականային սպառնալիքներ ստեղծել՝ խախտելով Երևանի պարտավորությունները»,- ասվում է հաղորդագրությունում։
Հավելենք, որ Հայաստանը նման սպառնալիքներ չի ստեղծում, իսկ ահա ականների վերաբերյալ Բաքվի կեղծ պնդումները հաստատել է նաև ՄԱԿ-ի Արդարադատության միջազգային դատարանը։
Էմմա Չոբանյան
