25.11.2024 | 13:17
Թուրքիան շարունակում է ջանքեր գործադրել՝ վերջ դնելու տարածաշրջանում լարվածությանը․ Էրդողանը՝ Պուտինին
Բելառուսում զանգվածային խուզարկություններ և ձերբակալություններ են․ իրավապաշտպաններն ահազանգում են
Քաղաքականություն
06.03.2023 | 13:42
Բելառուսում իրավապահները զանգվածային խուզարկություններ են իրականացնում։ Կասկածի տակ են բոլոր նրանք, ովքեր վերջին 3 տարիներին հետապնդվել են վարչական-քաղաքական հոդվածներով։ Այս մասին հայտնել է «Գարուն» իրավապաշտպան կազմակերպությունը։
Իրավապաշտպանները նշում են, որ ուժայինների նման զանգվածային գործողությունների պատճառ է դարձել Բելառուսի «Մաչուլիշչի» օդանավակայանում ռուսական А-50 ռադիոտեղորոշիչ ինքնաթիռի շարքից դուրսբերումը։
«Երեկ և այսօր Մինսկի մարզում Պետական անվտանգության կոմիտեի աշխատակիցները խուզարկություններ ու ձերբակալություններ են իրականացնում «Մաչուլիշչի»-ում շարքից դուրս բերված ինքնաթիռի պատճառով։ Պետական անվտանգության կոմիտեի աշխատակիցները ձերբակալում են բոլոր նրանց, ովքեր 2020-ից մինչ 2023 թվականները հետապնդվել են վարչական-քաղաքական հոդվածներով»,- ասվում է հաղորդագրության մեջ։
Իրավապաշտպանների նախնական տվյալներով՝ հայտնի է առնվազն 10 մարդու ձերբակալության մասին։ Խուզարկություններից հետո նրանց տեղափոխում են քննչական մեկուսարաններ։
Հիշեցնենք, որ փետրվարի 26-ին ռուսական հեռահար ռադիոտեղորոշիչ հայտնաբերման և կառավարման А-50 ինքնաթիռը Բելառուսի «Մաչուլիշչի» օդանավակայանում ենթարկվել էր ԱԹՍ-ի կողմից հարձակման։ ԶԼՄ-ներում հայտնված տեղեկությունների համաձայն՝ գրոհի պատասխանատուները բելառուս պարտիզաններն են։
Տաթև Ֆռանգյան
