16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԵՄ-ն կարողացել է հաղթահարել ռուսական գազից և նավթից կախվածությունը
Քաղաքականություն
06.03.2023 | 14:46
Եվրամիությունը կարողացել է հաղթահարել կախվածությունը ռուսական գազի և նավթի մատակարարումից: Եվրոպական ընկերություններին հաջողվել է փոխհատուցել ռուսական գազի արտահանման 80% -ը՝ Միացյալ Նահանգներից և Նորվեգիայից մատակարարումների շնորհիվ: Այս մասին հայտնել է Եվրահանձնաժողովի ղեկավար Ուրսուլա Ֆոն Դեր Լեյենը, հայտնում է Գերմանիայի կառավարության մամուլի ծառայությունը:
«Իհարկե՝ օգնել են լավ ընկերները, ինչպիսիք են Միացյալ Նահանգներն ու Նորվեգիան, որոնք այժմ օգնում են մեզ հեղուկացված ու խողովակային գազի մատակարարմամբ»,- հայտնել է ֆոն դեր Լեյենը։
Եվրոստատի տվյալներով՝ 2022 թվականի օգոստոսից մինչ 2023-ի հունվարը Եվրոպայում գազի սպառումը նվազել է 19%-ով՝ վերջին 5 տարիների նույն ժամանակաշրջանի հետ համեմատ։
Ընդ որում, Ֆինլանդիայում գազի սպառումը նվազել է 57,3%-ով, Լիտվայում՝ 47,9%-ով, Շվեդիայում՝ 40,2%-ով:
Հիշեցնենք, որ ՌԴ-ի նավթից և գազից ստացած եկամուտները 2023 թվականի երկու ամիսների ընթացքում կազմել է 946,7 միլիարդ ռուբլի 1,766 տրիլիոն ռուբլու փոխարեն։
Տաթև Ֆռանգյան
