13.09.2026 | 18:54
Շոտլանդիան, Ուելսը և Հյուսիսային Իռլանդիան Մեծ Բրիտանիայի կազմից դուրս գալու հանրաքվե կպահանջեն․ The Telegraph
Իրանի վեց նահանգներում հետաքննում են աշակերտների զանգվածային թունավորման դեպքերը
Քաղաքականություն
06.03.2023 | 21:46
Իրանի մի շարք նահանգներում բացահայտվել են դպրոցականների զանգվածային թունավորումների նոր դեպքեր: Այս մասին հաղորդում է Անադոլու գործակալությունը:
Նշվում է, որ իրանական դպրոցներում միջադեպերը գրանցվում են 2022 թվականի նոյեմբերի 30-ից: Մոտ 100 օր ամբողջ երկրում ավելի քան երկու հազար աշակերտ է թունավորվել:
Նոր դեպքեր են հայտնաբերվել Հյուսիսային Խորասան, Ֆարս, Ռեզևի-Խորասան, Սպահան, Իլամ ու Խուզեստան նահանգներում։
Այսպես, թունավորումների ախտանիշներով Բոդժնինգի երկու դպրոցների 46 աշակերտ հոսպիտալացվել է։ Երեխաները բողոքել են սրտխառնոցից, թուլությունից եւ գլխապտույտից: Նման ախտանիշներով Ֆարս նահանգի Շիրազ ու Սերվիստան քաղաքներում հոստիպալացվել է 24 աշակերտ:
Տասնյակ աշակերտներ հոսպիտալացվում են նույն ախտանիշներով Էլամ նահանգի Էյվան քաղաքում, Սպահան նահանգի Կաշան քաղաքում, Ռեզևի Խորասան նահանգի Մեշեդ քաղաքում ու Խուզեստան նահանգի Ախֆազ քաղաքում։
Հաղորդվում է, որ Խուզեստան նահանգի վեց քաղաքներում մինչ օրս հայտնաբերվել են 700 աշակերտների թունավորումների դեպքեր, նրանցից 200-ը բժիշկների հսկողության տակ են:
Տաթև Ֆռանգյան
