20.02.2026 | 13:44
NYMEX․ Ոսկու գինը նվազել է 0.21%-ով և կազմել 4975.90 դոլար
Փաշինյանը հանդիպել է Գերմանիայի նախագահի հետ․ Գյումրի-Երևան ճանապարհը բացվել է պայմանով․ Լուրեր
03.03.2023 | 19:43
- Վարչապետ Նիկոլ Փաշինյանը այսօր հանդիպում է ունեցել Գերմանիայի նախագահ Ֆրանկ-Վալտեր Շտայնմայերի հետ, կողմերը քննարկել են հայ-գերմանական համագործակցությանը վերաբերող մի շարք հարցեր, ինչպես նաև Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ճգնաժամը։
- Գյումրի-Երևան մայրուղու Ազատանի հատվածը բացվել է պայմանով, որ պաշտպանության նախարարը և զինվորական դատախազը կհանդիպեն բողոք ներկայացրածների հետ։ Ճանապարհն այսօր ի նշան բողոքի փակել էին Սիսիանի դիրքերում տեղակայված վագոն-տնակում շուրջ 7 ամիս առաջ հրդեհից մահացած 19-ամյա ժամկետային զինծառայող Պալյան Պողոսյանի հարազատները։
- Գյումրիի համայնքապետարանից բնակչությանը զգուշացրել են քաղաքի տարածքում կրակոցների ձայներ լսելիս խուճապի չմատնվել։ Նշվում է, որ յուրաքանչյուր ուրբաթ ժամը՝ 16:00-18:00-ն, Գյումրիում տեղակայված ռուսական 102 բազայի զինվորական տարածքներում անցկացվում են զորավարժանքներ։
Այս ժամի լուրերը՝ տեսանյութում։
