18.12.2025 | 16:49
Եկել ենք մասնակցելու եկեղեցու պաշտպանությանը, կարծում եմ՝ չենք ձերբակալվելու․ Նարեկ Կարապետյան․ ՏԵՍԱՆՅՈՒԹ
Էրդողանի մրցակցի անունը պաշտոնապես կհայտարարվի մարտի 6-ին
Քաղաքականություն
03.03.2023 | 12:34
Թուրքիայի ընդդիմադիր 6 կուսակցությունների դաշինքը, որը հայտնի է, որպես «Վեցի սեղան» կամ «Ազգային դաշինք» «ընդհանուր փոխըմբռնման են հասել», թե ով է լինելու նախագահ Ռեջեփ Թայիփ Էրդողանի մրցակիցը ընտրություններում, գրում են թուրքական լրատվամիջոցները։
Նախօրեին Saadet կուսակցության կենտրոնակայանում ութ ժամ տևած հանդիպումից հետո ընդդիմադիր կուսակցությունների ղեկավարները համատեղ հայտարարությամբ նշում են, որ հաջորդ հանդիպումը տեղի կունենա մարտի 6-ին, և հենց այդ օրն էլ թեկնածուի անունը հանրությանը կհայտարարվի։ Հանդիպմանը մասնակցել են գլխավոր ընդդիմադիր Ժողովրդահանրապետական կուսակցության (CHP) առաջնորդ Քեմալ Քըլըչդարօղլուն, ազգայնական ընդդիմադիր «Լավ» կուսակցության առաջնորդ Մերալ Աքշեները, Թեմել Կարամոլագոլուն՝ իսլամիստական ընդդիմադիր «Felicity» կուսակցության առաջնորդը և աջ կենտրոնամետ «Ժողովրդավարություն և առաջընթաց» (DEVA), «Ապագա» և «Դեմոկրատ» (DP) կուսակցության առաջնորդներ՝ Ալի Բաբաջանն ու Ահմեդ Դավութօղլուն, Գյութեքին Ույսալը։
Հավելենք, որ հանդիպումից հետո սկսեցին լուրեր տարածվել, թե միասնական թեկնածուն Քեմալ Քըլըչդարօղլուն է, սակայն տեղեկության պաշտոնական հաստատում չի եղել։
Էմմա Չոբանյան
