29.11.2024 | 19:30
Պուտինը մանիպուլացնում է․ Ադրբեջանը հարվածե՛լ է ՀՀ-ին՝ ռուսական ուղղաթիռ է խփել 2020-ին․ Ռոբերտ Ղևոնդյան․ ՏԵՍԱՆՅՈՒԹ
Թուրքիայի ընդդիմադիր դաշինքն այսօր կընտրի նախագահի միասնական թեկնածուին
Քաղաքականություն
02.03.2023 | 17:16
Ակնկալվում է, որ Թուրքիայի վեց ընդդիմադիր կուսակցությունների դաշինքն այսօր կորոշի նախագահի միասնական թեկնածուին, գրում է Bianet-ը։
Բոլոր կուսակցությունների ղեկավարները հավաքվելու են Անկարայում գտնվող Saadet կուսակցության կենտրոնակայանում՝ 12-րդ հանդիպման համար:
«Ուրախություն» կուսակցության առաջնորդ Թեմել Քարամոլլաօղլուն օրերս TV100-ին ասել է, որ իրենք քննարկելու են երեք հավանական թեկնածուների անունները, որոնք բոլորն էլ գլխավոր ընդդիմադիր Ժողովրդահանրապետական կուսակցության (CHP) անդամներ են՝ Անկարայի քաղաքապետ Մանսուր Յավաշը, Ստամբուլի քաղաքապետ Էքրեմ Իմամօղլուն և կուսակցության ղեկավար Քեմալ Քըլըչդարօղլուն։
Մինչ առաջնորդները պետք է որոշեն թեկնածուին, տեղեկություններ կան, որ նրանք կարող են հետաձգել թեկնածուի անվան հայտարարումը։
Թուրքիայում նախագահական և խորհրդարանական ընտրությունները պաշտոնապես նշանակված են հունիսի 18-ին: Այնուամենայնիվ, նախագահ Ռեջեփ Թայիփ Էրդողանը հայտնել է ընտրությունները մայիսի 14-ին անցկացնելու մտադրության մասին:
Էմմա Չոբանյան
