26.02.2026 | 18:27
ММА-ի մարտիկը ոտքի կոտրվածք է ստացել հաղթական սալտո կատարելիս․ ՏԵՍԱՆՅՈՒԹ
Բրյանսկի շրջանում կրկին ԱԹՍ է ընկել. իշխանությունները պնդում են, որ տարածաշրջան ուկրաինացի դիվերսանտներ են ներթափանցել
Քաղաքականություն
02.03.2023 | 14:53
ՌԴ Բրյանսկի շրջանի նահանգապետ Ալեքսանդր Բոգոմազը հայտարարել է վերջին երեք օրվա ընթացքում շրջանի տարածքում երկրորդ անօդաչու սարքի հարձակման մասին։ Իշխանությունները պնդում են նաև, որ ուկրաինացի դիվերսանտները ներթափանցել են Կլիմովսկի շրջանի սահմանամերձ շրջան, փոխանցում է BBC-ի ռուսական ծառայությունը։
«Ուկրաինայի զինված ուժերը հերթական հարձակումն են իրականացրել Կլիմովսկի շրջանի վրա, անօդաչու թռչող սարքի անկման հետևանքով Սուշանի գյուղում բնակելի շենք է բռնկվել»,- իր Telegram-ալիքում գրել է շրջանի ղեկավարը։
Սա տարածաշրջանում այս շաբաթվա ընթացքում երկրորդ անօդաչու սարքի հարձակումն է։ Նահանգապետը հայտնել է, որ երեքշաբթի լույս երեքշաբթի գիշերը ուկրաինական անօդաչու թռչող սարք է խոցվել շրջանի Սուրաժ թաղամասի երկնքում։ Ըստ իշխանությունների՝ զոհեր և ավերածություններ չկան:
Անցած երեքշաբթի անօդաչու սարքեր են ընկել նաև Մոսկվայի մարզում և Ռուսաստանի չորս այլ շրջաններում։ Ռուսաստանի Պաշտպանության նախարարությունը անօդաչու սարքերի հարձակումների համար մեղադրել է Կիևին։
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակն իր հերթին ասել է, որ Ուկրաինան ոչ թե հարձակվում է Ռուսաստանի վրա, այլ պաշտպանական պատերազմ է մղում։
Տաթև Ֆռանգյան
