05.11.2024 | 12:06
Վրաստանում ընդդիմադիր ուժերը պայմանավորվել են անժամկետ բողոքի ցույցեր անցկացնել
Ալիևն առաջարկել է ընդլայնել ՄԱԿ-ի ԱԽ մշտական անդամների կազմը
Քաղաքականություն
02.03.2023 | 15:45
Ադրբեջանի նախագահ Իլհամ Ալիևը Բաքվում COVID-19-ի դեմ պայքարի Չմիավորման շարժման կոնտակտային խմբի գագաթնաժողովում առաջարկել է վերափոխել ՄԱԿ-ի Անվտանգության խորհուրդը։
«Եվս մեկ կարևոր հարց, որը քննարկվում է ամբողջ աշխարհում տարիներ շարունակ, ՄԱԿ-ի համակարգի բարեփոխումներն են։ ՄԱԿ-ի ԱԽ-ն հիշեցնում է անցյալը և չի արտացոլում ժամանակակից իրականությունը։ Անվտանգության խորհրդի կազմը պետք է ընդլայնվի, որ այն դառնա ավելի ներկայացուցչական և աշխարհագրորեն ավելի արդար»,- ասել է Ալիևը։
Նա նշել է, որ մեկ մշտական տեղ պետք է տրվի Չմիավորման շարժմանը՝ այն երկրին, որը շարժման նախագահողն է, ռոտացիոն սկզբունքով պետք է տեղ ունենա ՄԱԿ-ի ԱԽ-ում։ Ըստ Ալիևի՝ Ադրբեջանն աջակցում է նաև Անվտանգության խորհրդում Աֆրիկային մշտական տեղերի հատկացմանը։
Հավելենք, որ վերջին շրջանում Ալիևը, Թուրքիայի իշխանությունների հետ համահունչ, պարբերաբար է հանդես գալիս ՄԱԿ-ի ԱԽ-ն ընդլայնելու առաջարկով։ Անկարան իր հերթին ակտիվորեն միջազգային կառույցներում առաջ է տանում ՄԱԿ-ի Անվտանգության խորհրդում մշտական տեղ ստանալու թեման։ Այս մասին նույնիսկ Թուրքիայի նախագահ Ռեջեփ Թայիփ Էրդողանը գիրք է հրատարակել, որը ներառում է «Աշխարհը հինգից մեծ է» հեռանկարի կիրառում և կենտրոնանում է ՄԱԿ-ի ԱԽ-ի կառուցվածքի փոփոխության վրա։
Էմմա Չոբանյան
