24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Շոլցը մերժել է Ուկրաինայի հարցով Պուտինի հետ բանակցություններ վարելու պահանջը
Քաղաքականություն
02.03.2023 | 15:01
Գերմանիայի կանցլեր Օլաֆ Շոլցը կտրականապես մերժել է ՌԴ նախագահ Վլադիմիր Պուտինի հետ Ուկրաինայում խաղաղություն հաստատելու հարցով բանակցություններ վարելու պահանջները, գրում է DW-ի ռուսական ծառայոթւյունը։
«Երբ դանակը կոկորդին են դնում, բանակցություններ չեն լինում՝ բացառությամբ սեփական ստրկության մասին»,- ասել է նա Գերմանիայի Բունդեսթագում ելույթ ունենալով Ուկրաինա ռուսական զինված ներխուժման տարելիցի կապակցությամբ։
«Չի կարելի խաղաղություն հաստատել Ուկրաինայի թիկունքում: Մենք գիտենք, թե ինչ ճակատագիր է սպասվում ուկրաինացիներին ռուսական օկուպացիայի տակ: Խաղաղության ցանկությունը չի նշանակում ստրկություն ավելի մեծ հարևանի կողմից: Եթե Ուկրաինան դադարի պաշտպանվել, ապա կլինի ոչ թե խաղաղություն, այլ Ուկրաինայի վերջը»,- ընդգծել է Շոլցը։
Կանցլերը քննադատել է Կիևին զենքի մատակարարումը դադարեցնելու պահանջները, որոնք հնչել են Գերմանիայում տեղի ունեցած մի շարք խոշոր հանրահավաքների ժամանակ։
«Խաղաղության հնարավոր չէ հասնել, եթե այստեղ՝ Բեռլինում բղավեք «Ո՛չ պատերազմին», միևնույն ժամանակ կոչ անեք դադարեցնել ռազմական օգնությունն Ուկրաինային»,- ասել է կանցլերը՝ հիշելով ռուսական օկուպացիայի ժամանակ Կրամատորսկում, Իզյումում և Մարիուպոլում տեղի ունեցած իրադարձությունները։
Տաթև Ֆռանգյան
