07.06.2026 | 10:03
Նիկոլ Փաշինյանը քվեարկում է ԱԺ ընտրություններում. ՈՒՂԻՂ
ՌԴ-ն և Չինաստանը G20-ի գագաթնաժողովից հետո լայն պայմանավորվածություններ են ձեռք բերել
Քաղաքականություն
02.03.2023 | 19:54
ՉԺՀ արտաքին գործերի նախարար Ցին Գանգը հայտարարել է, որ Չինաստանի Կոմունիստական կուսակցության Կենտրոնական կոմիտեի արտաքին հարաբերությունների հանձնաժողովի ղեկավար Վան Իի և Ռուսաստանի արտգործնախարար Սերգեյ Լավրովի հանդիպումից հետո Մոսկվան ու Պեկինը ձեռք են բերել լայն պայմանավորվածություններ։ Այս մասին ասվում է ՌԴ ԱԳՆ Telegram ալիքում հրապարակված հաղորդագրությունում։
Հաղորդվում է, որ G20-ի նախարարների հանդիպման շրջանակում տեղի է ունենում Լավրովի և Ցին Գանի հանդիպումը։ Այն առաջինն էր Չինաստանի ԱԳ նախարարի պաշտոնում Ցին Գանգի նշանակումից հետո։
«Մեր ղեկավարների ռազմավարական առաջնորդական դերի շնորհիվ մեր հարաբերությունները շարունակում են կայուն և լավ զարգանալ՝ հանդիսանալով մեծ տերությունների միջև երկկողմ հարաբերությունների դրական օրինակ»,- ասել է չինացի պաշտոնյան։
Ավելի վաղ Լավրովը հայտարարել էր, որ Ռուսաստանի Դաշնությունն ու Չինաստանը երկկողմ համագործակցության զարգացման հեռահար ծրագրեր ունեն։
Տաթև Ֆռանգյան
