09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Նիկոլ Փաշինյանը բանակցում է Արցախը Ադրբեջանի կազմում թողնելու համար. Մամիջանյան․ ՏԵՍԱՆՅՈՒԹ
Քաղաքականություն
02.03.2023 | 12:13
«Եվրոպական բարձրաստիճան պաշտոնյաները ևս հաստատում են, որ Նիկոլ Փաշինյանը բանակցում է Արցախը Ադրբեջանի կազմում տրամաբանության մեջ»,- այս մասին Ազգային ժողովում ճեպազրույցում հայտարարեց «Պատիվ ունեմ» խմբակցության ղեկավար Հայկ Մամիջանյանը` վկայակոչելով Եվրանեսթ խորհրդարանական վեհաժողովի նիստում իր ելույթից հետո եվրոպացի մի պաշտոնյայի հետ զրույցը։
«Իմ ելույթից հետո, որը վերաբերում էր Արցախի կարգավիճակին, ինքնորոշման իրավունքին և այլ կարևոր անվտանգային կետերին, եվրոպացի բարձրաստիճան պաշտոնյան, նայելով աչքերիս մեջ, ուղիղ տեսքով ասել է, որ մեր դիրքորոշումից տեղյակ են, բայց դրանք ռելեվանտ չեն, որովհետև Նիկոլ Փաշինյանը վաղուց բանակցություն չի տանում Արցախի կարգավիճակի վերաբերյալ և բանակցային տրամաբանությունն ամբողջությամբ հիմնված է Ադրբեջանի կազմում Արցախի ապագային»,- նշեց Մամիջանյանը։
Պատգամավորի խոսքով` հնարավոր չէ հերքել ինչպես Արմեն Աշոտյանի ներկայացրած փաստաթուղթը, որը հանդիսանում է տվյալ պահին բանակցային տրամաբանությունը, այնպես էլ այս հայտարարությունը, քանի որ այդ զրույցին մասնակցել են նաև այլ պատգամավորներ, կան նաև ապացույցներ:
Ընդդիմադիր պատգամավորն ընդգծեց, որ երբևէ իշխանական պատգամավորների շուրթերից ինքնորոշման իրավունք բառակապակցությունը չի լսել, իսկ մնացած բոլոր ձևակերպումները «լղոզոցի են», որոնցով փորձում են խաբել Արցախի և ՀՀ–ի ժողովրդին։
Մանրամասները՝ տեսանյութում։
