06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Դատախազները դրույքաչափի 92 տոկոսի չափով ամսական հավելավճար կստանան․ նախագիծն ընդունվեց առաջին ընթերցմամբ
Քաղաքականություն
01.03.2023 | 16:16
Դատախազներին, բացի աշխատավարձից, կվճարվի նաև ամսական հավելում՝ պաշտոնային դրույքաչափի 92 տոկոսի չափով։ «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ և փոփոխություններ կատարելու մասին օրենքի նախագիծն առաջին ընթերցմամբ ընդունվեց Ազգային ժողովում։
«Հարկ է նշել, որ դատախազների վարձատրությունն ավելացնելու նման մոտեցումն առաջ է քաշվել՝ նկատի ունենալով որոշ կարևոր գործոններ, որոնց թվին դասվում են. քրեական վարույթի ընթացքում դատախազի նկատմամբ առկա արտաքին ճնշումների անհամեմատ բարձր հավանականությունը, որը պայմանավորված է վարույթի ընթացքում դատախազի անձի համար ինչպես բարենպաստ, այնպես էլ անբարենաստ որոշումներ կայացնելու բացառիկ լիազորությունով օժտված լինելու հանգամանքը, քրեական գործերի քանակի շարունակական աճը, որի պայմաններում դատախազների անխուսափելի գերծանրաբեռնվածությունը կարող է հանգեցել դատախազությանը վերապահված գործառույթների իրականացման արդյունավետության նվազեցմանը։ Մյուս կողմից՝ ցածր վարձատրության պայմաններում գերծանրաբեռնվածությունը, հանրային բարձր պատասխանատվությունը, դատախազների վրա առկա հնարավոր ճնշումները դատախազի աշխատանքը դարձնում են պակաս գրավիչ՝ համակարգը բարձր որակավարում ունեցող մասնագետներով համալրելու տեսանկյունից»,- նախագիծը ներկայացնելիս նշեց ՀՀ արդարադատության նախարարի տեղակալ Լևոն Բալյան։
Նրա խոսքով՝ դատախազներին վճարվող հավելումների չափը որոշելիս հիմք է ընդունվել առանձնակի ռիսկային, բարդություններով պայմանավորված և մասնագիտացում պահանջող պաշտոններ զբաղեցնող անձանց տրամադրվող հավելումների միասնական, չտարբերակված մոտեցում սահմանելու անհրաժեշտությունը:
