26.07.2026 | 13:17
Հայ ըմբիշները Բաքվում են
Կիևը հայտարարել է, որ Ուկրաինան հարվածներ չի հասցնում ՌԴ-ի տարածքին
Քաղաքականություն
01.03.2023 | 18:58
Ուկրաինան չի հարվածում Ռուսաստանի տարածքին։ Այս մասին հայտարարել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը։
«Ուկրաինան չի հարվածում Ռուսաստանի տարածքին։ Ուկրաինան պաշտպանական պատերազմ է մղում իր բոլոր տարածքներն ապաօկուպացնելու համար։ Սա աքսիոմա է։ ՌԴ-ում կուտակվում են խուճապի և քայքայման գործընթացներ, որոնք արտացոլված են անհայտ թռչող օբյեկտների կողմից ենթակառուցվածքային օբյեկտների վրա ներքին հարձակումների աճով»,- գրել է նա Twitter-ում։
Ավելի վաղ ՌԴ Պաշտպանության նախարարությունը և Ռուսաստանի որոշ շրջանների իշխանությունները հայտնել էին անօդաչու թռչող սարքերի հետ կապված միջադեպերի մասին։
Տաթև Ֆռանգյան
