14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Ոստիկանությունը բարեփոխված չէ. Անդրանիկ Քոչարյանը` Վահե Ղազարյանի հետ հանդիպումից հետո. ՏԵՍԱՆՅՈւԹ
Քաղաքականություն
28.02.2023 | 20:23
Այսօր Ներքին գործերի նախարար Վահե Ղազարյանն Ազգային ժողովում հանդիպում է ունեցել «Քաղաքացիական պայմանագիր» խմբակցության պատգամավորների հետ։
ԱԺ պաշտպանության և անվտնգության հարցերի հանձնաժողովի նախագահ Անդրանիկ Քոչարյանը հանդիպումից հետո լրագրողների հետ զրույցում անդրադարձավ խոսակցություններին, թե ինքը պաշտպանության նախարար դառնալու հավակնություններ ունի, նշեց․ «Ես 28 տարեկանում երբ դարձել եմ ՆԳ փոխնախարար, ապա առաջին տեղակալ։
Մամուլն անընդհատ գրում է, որ Անդրանիկ Քոչարյանը վաղը նշանակվելու է նախարար, բայց ես ապավինում եմ ճակատագրին: Ես այնտեղ եմ, որտեղ պետք է լինեմ:
1990-ականներին պաշտպանության հանձնաժողովի նախագահը եղել է Վազգեն Սարգսյանը, հիմա ես գտնվում եմ այնտեղ, որտեղից սկսել ենք մեր անվտանգային համակարգի կայացման փուլերը: Այդ խոսակցությունները նաև տարածվում են նաև նրա համար, որ անորոշություն մտցնեն բարեփոխումների այն ընթացքի մեջ, որը մենք նախաձեռնել ենք»,- նշեց Քոչարյանը։
Անդրադառնալով հարցին, թե իր կարծիքով ոստիկանությունը բարեփոխվա՞ծ է, հանձնաժողովի նախագահը պատասխանեց. «Իհարկե ոչ, ոստիկանությունը նոր մտնում է այն փուլ, որը հնարավորություն է տալիս բարեփոխման ընթացքը դարձնել անշրջելի: Դրա համար իրենք դարձան նախարարություն, որպեսզի ավելի վերահսկելի լինեն»:
Դիտարկմանը, որ Վահե Ղազարյանի նշանակումով իշխանությունը տապալեց ոստիկանությունում բարեփոխումերի գործընթացը, Քոչարյանն արձագանքեց․ «Ցանկացած նշանակում պետք է նպաստի ինչ-որ ծրագրի իրականացմանը։ Կառավարությունն ունի ծրագիր ՆԳՆ ունենալու և այն դարձնելու ավելի վերահսկելի կառույց»։
Մանրամասները՝ տեսանյութում։
