16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Հայկական օդանավն առևանգել ու Իրան էր տարել մի անձ, որը մեքենայությունների մեջ էր եղել․ փոխնախարար․ ՏԵՍԱՆՅՈՒԹ
Հասարակություն
22.02.2023 | 13:31
Կառավարությունն օրենսդրական փոփոխություններ է նախատեսում «Ավիացիայի մասին» օրենքում:
Առաջարկվող փոփոխություններով Քաղավիացիայի կոմիտեն հնարավորություն կունենա արդեն տրամադրված լիցենզիան դադարեցնել, եթե հիմնավորի, որ մասնավոր ընկերության վատ աշխատանքը կարող է մարդկանց կյանքին, առողջությանը, սեփականությանն ու պետության անվտանգությանը սպառնացող ռիսկեր առաջացնել:
Տարածքային կառավարման և ենթակառուցվածքների փոխնախարար Արմեն Սիմոնյանն Ազգային ժողովի տնտեսական հարցերի մշտական հանձնաժողովի նիստում հիշեցրեց այն դեպքը, երբ ՀՀ-ում ավիաընկերությունը ստացել էր օդանավ շահագործողի վկայական, սակայն օդանավը ՀՀ բերելու փոխարեն այլ ուղղությամբ էր տարել՝ Իրան։
«Եվ դա բավականին մեծ խնդիրներ էր առաջացրել։ Ի պատիվ իրանցի գործընկերների հանարավոր եղավ այդ օդանավը վերադարձնել ՀՀ»,- նշեց փոխնախարարը։
Նրա խոսքով՝ հայկական օդանավն առևանգել ու Իրան էր տարել մի անձ, որը մեքենայությունների մեջ էր եղել։ Սակայն օդանավի շահագործման հետ կապված հարաբերությունների օրենսդրական կարգավորման դաշտից դուրս են մնացել առանցքային հարցեր: Առաջարկվող փոփոխությունների համաձայն՝ ավիացիոն ոլորտում տնտեսվարողի վատ հեղինակությունը կարող է նպաստել լիցենզիա չտրամադրելուն։ Փոխնախարարը վստահեցրեց, որ այս կարգավորման առումով ուսումնասիրվել է միջազգային փորձը։
Մանրամասները՝ տեսանյութում։
