26.02.2026 | 21:37
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
Գերմանիայի ԱԳՆ-ն իր քաղաքացիներին խորհուրդ է տվել չմեկնել Ռուսաստան
Քաղաքականություն
21.02.2023 | 17:50
Գերմանիայի Արտաքին գործերի նախարարությունը խորհրդատվական հայտարարություն է տարածել՝ իր քաղաքացիներին խորհուրդ տալով զերծ մնալ Ռուսաստան մեկնելուց։ Դա հատկապես վերաբերում է առաջիկա օրերին՝ փետրվարի 20-ից 26-ին, երբ Ռուսաստանում կանցկացվեն մի շարք պաշտոնական միջոցառումներ, որոնց կապակցությամբ կուժեղացվեն անվտանգության միջոցառումները։ Այն գերմանացիներին, ովքեր արդեն գտնվում են Ռուսաստանում, խորհուրդ է տրվում զգույշ լինել և խուսափել մարդկանց կուտակումների վայրերից, փոխանցում է VOA-ն։
ԱԳՆ հայտարարության մեջ նշվում է, որ երկքաղաքացիություն ունեցողները (Գերմանիայի և Ռուսաստանի) Մոսկվայի կողմից համարվում են բացառապես Ռուսաստանի քաղաքացիներ։ Կոնֆլիկտային իրավիճակների դեպքում, օրինակ՝ զինվորական ծառայության զորակոչի հետ կապված, Գերմանիան չի կարողանա նման մարդկանց հյուպատոսական օգնություն տրամադրել։
Գերմանիայի ԱԳՆ-ն զգուշացնում է զերծ մնալ հատկապես Ուկրաինայի հետ սահմանամերձ Ռուսաստանի շրջաններ՝ Ռոստով, Կրասնոդար, Սարատով, Վորոնեժ, Վոլգոգրադ և այլ շրջաններ ուղևորությունից։
Հիշեցնենք, որ փետրվարի 13-ին Մոսկվայում ԱՄՆ դեսպանատունը նույնպես խորհուրդ էր տվել Ռուսաստանում գտնվող կամ այնտեղ բնակվող ԱՄՆ քաղաքացիներին լքել երկիրը։
Տաթև Ֆռանգյան
