05.11.2024 | 20:29
Թուրքիայում նավթավերամշակման գործարանում պայթյուն է տեղի ունեցել․ վիրավորներ կան
Ուկրաինայում պատերազմը կարող է դուրս գալ վերահսկողությունից․ Չինաստանը մտահոգություն է հայտնել
Քաղաքականություն
21.02.2023 | 14:42
Չինաստանը մտահոգված է, որ Ուկրաինայում հակամարտությունը կարող է «դուրս գալ վերահսկողությունից»։ Այս մասին հայտարարել է Չինաստանի արտաքին գործերի նախարար Քին Գանգը՝ ելույթ ունենալով Պեկինում անվտանգության համաժողովի բացմանը, փոխանցում է CNN-ը։
«Չինաստանը խորապես անհանգստացած է հակամարտության սրմամբ ու իրավիճակը վերահսկողությունից դուրս գալու հնարավորության կապակցությամբ։ Մենք կոչ ենք անում համապատասխան երկրներին անհապաղ դադարեցնել կրակի բորբոքումը՝ մեղադրելով Չինաստանին և «այսօր Ուկրաինան է, վաղը՝ Թայվանը» հռետորաբանությունն ուռճացնելով»,- ընդգծել է Չինաստանի ԱԳՆ ղեկավարը։
CNN-ը հիշեցնում է, որ Պեկինը բազմիցս հրաժարվել է դատապարտել Մոսկվային Ուկրաինա ներխուժելու համար և հետևողականորեն հակամարտության մեղքը բարդել է ՆԱՏՕ-ի և ԱՄՆ-ի վրա։
Նշվում է, որ Քինի հայտարարությունը հնչել է Չինաստանի արտաքին քաղաքականության բարձրաստիճան պաշտոնյայի՝ Վան Իի Մոսկվա կատարած այցի և ԱՄՆ պաշտոնյաների հայտարարությունների ֆոնին, որ Պեկինը դիտարկում է Կրեմլին ռազմական օգնություն տրամադրելու հնարավորությունը։
Տաթև Ֆռանգյան
