20.04.2026 | 13:31
ԱՄՆ-ի հետ բանակցությունների երկրորդ փուլի ծրագրեր այս պահին չկան․ Իրանի ԱԳՆ
Թուրք նահագապետը հայտարարել է, որ երկրաշարժի զոհերի թիվը պաշտոնականից 5 անգամ ավելին է, իրավիճակն ավելի վատ
Քաղաքականություն
20.02.2023 | 21:57
Թուրքիայի հարավարևելյան Շըրնակ նահանգի ղեկավար Օսման Բիլգին, որին նաև նշանակել են փետրվարի 6-ի երկրաշարժերից հետո Գազիանթեփի համակարգող, հայտարարել է, որ երկրաշարժերի զոհերի թիվը «հինգ անգամ ավելին է, քան հայտարարված թվերը», գրում են թուրքական լրատվամիջոցները։
«Որպես պետության ներկայացուցիչ՝ ես եկել եմ ձեզ լսելու: Կներեք, միգուցե ուշ եմ եկել, բայց իրավիճակը շատ ավելի ծանր է, քան դուք գիտեք»,- Անթեփ նահանգի Նուրդաղը շրջանում երկրաշարժից փրկվածների հետ հանդիպմանն ասել է Օսման Բիլգինը։
Նա նշել է, որ երկրաշարժից ամենաշատ տուժած շրջաններից մեկն ամբողջությամբ քանդվելու է։
«Ասում եմ, որ հասկանաք կատարված աղետը։ Այս պահին կա 150 դիակ ունեցող բնակարան։ Իրավիճակը շատ ավելի վատ է, քան հայտարարված թվերը։ Երեք, չորս, միգուցե հինգ անգամ ավելի վատ է։ Մենք ամբողջությամբ կքանդենք որոշ գավառներ և կկառուցենք նորերը։ Քաղաքները ջնջվել են քարտեզից, կստեղծվեն նոր քարտեզներ։ Որպես պետություն՝ ներողություն ենք խնդրում, եթե ուշ ենք ժամանել»,- ասել է նա։
Հավելենք, որ վերջին պաշտոնական տվյալներով՝ Թուրքիայում երկրաշարժի զոհերի թիվը գերազանցում է 41,000-ը։
Էմմա Չոբանյան
