16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Հայաստանն ու Ադրբեջանը պատմական հնարավորություն ունեն ավարտելու հակամարտությունը․ Բլինքեն
Քաղաքականություն
18.02.2023 | 18:36
Միացյալ Նահանգների վարչակազմը վստահ է, որ Ադրբեջանի և Հայաստանի իշխանությունները պատմական հնարավորություն ունեն հասնելու կայուն խաղաղության։ Այս մասին շաբաթ օրը Մյունխենում հայտարարել է ԱՄՆ պետքարտուղար Էնթոնի Բլինքենը՝ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ հանդիպումից առաջ։
«Մենք կարծում ենք, որ Ադրբեջանն ու Հայաստանը հիրավի պատմական հնարավորություն ունեն ամուր խաղաղություն հաստատելու ավելի քան 30 տարվա հակամարտությունից հետո։ Կողմերը կրկին կենտրոնացել են խաղաղ գործընթացի վրա, այդ թվում՝ ուղիղ բանակցությունների միջոցով, ինչպես նաև ԵՄ-ի և մեզ հետ»,- ТАСС-ի փոխանցմամբ՝ ընդգծել է ամերիկյան դիվանագիտության ղեկավարը։
«Միացյալ Նահանգները պատրաստ է անել հնարավոր ամեն ինչ այդ ջանքերին աջակցելու համար, թե ուղիղ մեր ընկերների հետ, թե եռակողմ ձևաչափով, ինչպիսին սա է, թե այլ միջազգային գործընկերների հետ»,- ասել է նա։
Հիշեցնենք՝ Մյունխենում ավարտվել է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և ԱՄՆ պետքարտուղար Էնթոնի Բլինքենի հանդիպումը:
Փետրվարի 18-ին ՀՀ վարչապետը կմասնակցի նաև Հարավային Կովկասում անվտանգության թեմայով պանելային քննարկմանը, որին կմասնակցեն նաև Ադրբեջանի նախագահ Իլհամ Ալիևը, Վրաստանի վարչապետ Իրակլի Ղարիբաշվիլին և ԵԱՀԿ գլխավոր քարտուղար Հելգա Շմիդտը:
