07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Թուրքիայում երկրաշարժի հետևանքով շենքերի փլուզման հետաքննության շրջանակում 26 մարդ է կալանավորվել
Քաղաքականություն
16.02.2023 | 22:16
Թուրքիայում տեղի ունեցած ավերիչ երկրաշարժերից հետո փլուզված շենքերի հարցով հետաքննությունը շարունակվում է, մի քանի անձ արդեն կալանավորվել է հազարավոր մարդկանց՝ փլատակների տակ մահանալու մեջ ունեցած մեղավորության համար, գրում է Gercek News-ը։
Դիարբեքիրում 15 մարդ, որոնցից մի քանիսը կապալառուներ են, կալանավորվել են քաղաքում քանդված շենքերի հետ կապված «շինարարական թերությունների և սյուներ կտրելու» մեղադրանքով։ Եվս 22 հոգի դատաբժշկական փորձաքննությունից հետո ազատ է արձակվել կալանքից։ Փախուստի մեջ գտնվող ևս վեց կասկածյալների որոնումները շարունակվում են։
Լրատվամիջոցը գրում է, որ 7 անձ էլ կալանավորվել է Մալաթիայում։ Նահանգի անվտանգության վարչության հաղորդագրության մեջ ասվում է, որ յոթ կասկածյալներ ձերբակալվել և տարվեր են դատարան, իսկ 12 կասկածյալների նկատմամբ վարույթը շարունակվում է։ Հայտարարության մեջ ասվում է նաև, որ հետաքննության հետ կապված 20 կասկածյալներ են ձերբակալվել մի քանի քաղաքներում, նրանց նկատմամբ երկիրը լքելու արգելք է սահմանվել։
Մարաշում էլ շենքերի քանդման գործով սկսված հետաքննության շրջանակում չորս անձ բերման է ենթարկվել։ Կասկածյալներից մեկը, որը տեղափոխվել էր դատարան, դատախազությունում հայտարարությունից հետո ազատ է արձակվել, մյուսները կալանավորվել են։
Մեկ այլ կապալառու էլ, որը պատասխանատու է Մարաշում փլուզված շենքերի համար, կալանավորվել է նավով Թուրքիայի հարավային ծովափնյա Մարմարիս քաղաքի մոտ՝ Հունաստան փախչելու փորձի ժամանակ:
Էմմա Չոբանյան
