14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ահաբեկիչները պատանդ են վերցրել Արցախը․ ՀՀ-ն պիտի դատարան դիմի՝ խնդրելով օգնել ազատվել նրանցից․ Մարգարիտա Քարամյան․ ՏԵՍԱՆՅՈՒԹ
Քաղաքականություն
09.02.2023 | 21:02
Ի՞նչ վիճակում է այսօր գտնվում Արցախը, որը երկու ամիս գտնվում է շրջափակման մեջ։ «Վերադարձ դեպի Դիզակ» ՀԿ ղեկավար Մարգարիտա Քարամյանը, որ ծնունդով Հադրութից է, ընտանիքով տեղահանվել է 2020 թվականի պատերազմի արդյունքում և մշտապես կապ է պահպանում Արցախում ապրող հարազատների հետ, նշում է, որ դժվարագույն իրավիճակ է ստեղծվել։
«Արցախի համար բլոկադայի առաջին դեպքը չէ սա, 1990-ականներին մենք էլի բլոկադայի մեջ ենք եղել։ Անհամեմատելի է՝ այն ժամանակ մենք ամբողջովին էինք բլոկադայի մեջ՝ ո՛չ դեղորայք կար, ո՛չ սնունդ կար, հիմա Կարմիր Խաչի, ռուս խաղաղապահների միջոցով ինչ-որ ձևով այդ խնդիրները որոշակիորեն լուծվում են։ Այս բլոկադան մարդիկ արդեն ընկալում են որպես քաղաքական խաղ և, ըստ երևույթին, այդպես էլ կա։ Ո՞վ է փակել ճանապարհը․ Ադրբեջանն ասում է, որ ՌԴ-ն է փակել միջանցքը, ՌԴ-ն էլ ասում է, թե ադրբեջանցիներն իրենց խնդիրներն են դրել։ Պարզվում է՝ քաղաքական խնդիրներ են դրված, ո՛չ էկոլոգիական, և Ալիևը շատ պարզ ասաց, թե ինչ նպատակով է արվել բլոկադան։ Նպատակն այն է, որ արցախցիները զզվեն ամեն ինչից և թողնեն, դուրս գան։ Ալիևն էլ պարզ խոստովանել է, որ ճանապարհը միակողմանի բաց է Արցախից դուրս գալու նպատակով»,- նշեց Մարգարիտա Քարամյանը։
Նա անհրաժեշտ է համարում, որ ՀՀ-ն դիմի միջազգային դատական ատյաններ՝ նշելով, որ Արցախը պատանդառված է ահաբեկիչների կողմից և օգնություն խնդրի՝ ազատելու նպատակով։
Հարցազրույցն ամբողջությամբ՝ տեսանյութում։
Ռոբերտ Անանյան
