25.11.2024 | 13:28
Բեռնատարն ընկել է գետը, վարորդը մահացել է
ՌԴ-ում խստացնում են միգրանտների համար երկրում մնալու պայմանները․ միգրացիոն վճար է սահմանվելու
Քաղաքականություն
09.02.2023 | 19:37
ՌԴ-ում կարող են խստացնել միգրանտների համար երկրում մնալու պայմանները։ Այս մասին հայտնում են ռուսական Telegram ալիքները։
Նախկինում միգրանտներին թույլատրվում էր երկրում մնալ մինչև 90 օր՝ 180 օրվա ընթացքում։ Այժմ այդ ժամկետը նախատեսվում է երկարացնել՝ 180 օրից հասցնելով մեկ տարվա։ Իշխանությունները կարող են նաև «միգրացիոն վճար» սահմանել։
Շրջանառվող տեղեկությունների համաձայն՝ ՌԴ Ներքին գործերի նախարարությունը ներկայում աշխատում է «Ռուսաստանի Դաշնությունում օտարերկրյա քաղաքացիների իրավական կարգավիճակի մասին» թիվ 115-FZ դաշնային օրենքը փոփոխելու առաջարկների ուղղությամբ: Նախատեսվում է միգրանտների համար առանց վիզայի կեցության նոր կանոններ սահմանել. դրանց համաձայն՝ նրանք տարվա ընթացքում կկարողանան Ռուսաստանում մնալ 90 օր։
Բացի այդ, նախատեսվում է առանց վիզայի երկրներից միգրանտների համար սահմանել միգրացիոն վճար՝ նման այն բանին, որ օտարերկրացիները վճարում են վիզայի համար։ Դրա չափը դեռևս որոշված չէ։
Տեղեկացվում է, որ փոփոխությունների առաջարկները հաստատման են ուղարկվել այլ գերատեսչություններին:
Տաթև Ֆռանգյան
