20.02.2026 | 11:52
Իրանը զգուշացրել է՝ ամերիկյան բազաներն ու օբյեկտներն «օրինական թիրախներ» կդառնան հարձակման դեպքում
«Իրանի ԱԳՆ-ն ասել է՝ ՀՀ-ի անվտանգության հարցը մեզ համար շատ կարևոր է. սա ողջունելի է»․ ՀՀ ԱԳՆ ներկայացուցիչ․ ՏԵՍԱՆՅՈՒԹ
Քաղաքականություն
09.02.2023 | 12:36
2022 թվականին Իրանի կողմից հայ-իրանական հարաբերությունների կարևորության մասին նշվել է ամենաբարձր մակարդակով։ Այս մասին այսօր «Հայ-իրանական հարաբերությունները ընդհանուր շահերի համատեքստում» թեմայով քննարկման ժամանակ հայտարարեց ՀՀ արտաքին գործերի նախարարության սահմանակից երկրների վարչության խորհրդական Գրիգոր Մելքոնյանը՝ ներկայացնելով վերջին մեկ տարվա ընթացքում տեղի ունեցած կարևոր իրադարձությունները։
2022 թվականի երկկողմ հարաբերություններում ամենագլխավոր իրադարձությունը Գրիգոր Մելքոնյանը համարեց Կապանում Իրանի գլխավոր հյուպատոսության բացումը, որին մասնակցել է նաև Իրանի արտգործնախարարը։
Նա հիշեցրեց 2022 թվականի հուլիսին Թուրքիայի նախագահի հետ հանդիպման ժամանակ հոգևոր առաջնորդ այաթոլլահ Ալի Խամենեիի խոսքերն այն մասին, որ եթե Իրանի և Հայաստանի սահմանը շրջափակելու քաղաքականություն վարվի, ապա Իսլամական Հանրապետությունը հակազդելու է դրան։ «Իսկ Ռուսաստանի նախագահի հետ հանդիպման ժամանակ նա հայտարարեց, որ Իրանը երբեք չի հանդուրժի որևէ քաղաքականություն կամ ծրագիր, որը կհանգեցնի Հայաստանի և Իրանի միջև սահմանի փակմանը»,-հավելեց Մելքոնյանը:
Պաշտոնյան հիշեցրեց նաև, որ 2022 թվականի սեպտեմբերին՝ Ադրբեջանի ագրեսիայից հետո, Իրանի նախագահը ՀՀ վարչապետի հետ հեռախոսազրույցում հիշատակել է Խամենեիի խոսքը՝ ըստ որի՝ Հայաստանի և Իրանի միջև կապի համար սպառնալիքների անթույլատրելիության և այն մասին, որ հաղորդակցությունները պետք է լինեն երկրների ինքնիշխան վերահսկողության ներքո։
«Իրանի խորհրդարանում ևս հայտարարություն է ընդունվել։ Այն ժամանակ Իրանը Ադրբեջանի հետ սահմանին լայնածավալ զորավարժություններ էր անցկացրել, որոնք ազդանշան էին դարձել։ Բացի դրանից՝ 2022 թվականի սեպտեմբերի 22-ին Նյու Յորքում ՄԱԿ-ի Գլխավոր ասամբլեայի 77-րդ նստաշրջանի շրջանակներում Հայաստանի վարչապետն ու Իրանի նախագահը հանդիպում են ունեցել, որտեղ վերջինս կրկին մատնանշել է տարածաշրջանում սահմանների փոփոխության անթույլատրելիությունը։ Ռայիսին հավելել է, որ Հայաստանի անվտանգության հարցը շատ կարևոր նշանակություն ունի Իրանի համար»,-նշեց Մելքոնյանը։
Պաշտոնյան ընդգծեց, որ ավելի ուշ Իրանի նախագահը Աստանայում Ադրբեջանի նախագահի հետ հանդիպման ժամանակ ևս կարևորել է Հայաստանի և Ադրբեջանի տարածքային ամբողջականության հարգումը և սահմանների որևէ փոփոխության անթույլատրելիությունը։
Մանրամասները՝ տեսանյութում։
