30.11.2024 | 01:27
ՀՀ-ն հետ է կանչել Սիրիայում հումանիտար ականազերծման և բուժաշխատողների մասնագիտական խմբի ողջ անձնակազմին
BP-Azerbaijan-ը հայտնել է թուրքական Ջեյհանից նավթի բեռնման ֆորսմաժորային իրավիճակի մասին՝ կապված երկրաշարժի հետ
Քաղաքականություն
08.02.2023 | 22:43
Բաքու-Թբիլիսի-Ջեյհան (ԲԹՋ) խողովակաշարով նավթի արտահանումը շարունակվում է։ Այս մասին հայտնել է BP-Azerbaijan-ի մամուլի ծառայության ղեկավար Թամամ Բայաթլին։
«Նավթն արտահանվում է ԲԹՋ-ով ու բեռնվում Ջեյհանի տերմինալում։ Սակայն այդ նավթը չի կարող բեռնվել լցանավերը»,- ասել է Բայաթլին։
Նա նշել է, որ ԲԹՋ-ով տեղափոխվող նավթի առաքիչները տեղյակ են Ջեյհանում բեռնափոխադրման հետ կապված ֆորսմաժորային հանգամանքների մասին։
«Փետրվարի 7-ին նավթ առաքողներին ուղարկվել է ֆորսմաժորային իրավիճակի մասին ծանուցում՝ Ջեյհանի ծովային տերմինալում բեռնման աշխատանքների ժամանակավոր դադարեցման պատճառով»,- ասել է Բայաթլին:
Հավելենք, որ թուրքական Ջեյհան նավթային տերմինալի աշխատանքը դադարեցվել է Թուրքիայում տեղի ունեցած երկրաշարժից հետո։
Էմմա Չոբանյան
