25.11.2024 | 13:36
Ռումինիայի նախագահական ընտրությունների առաջին փուլում առաջատար է ՆԱՏՕ-ին և Ուկրաինային օգնությունը քննադատած Քելին Ջորջեսկուն
Լոնդոնից հետո Զելենսկին կմեկնի Փարիզ և Բրյուսել
Քաղաքականություն
08.02.2023 | 19:44
Չորեքշաբթի երեկոյան Ուկրաինայի նախագահ Վլադիմիր Զելենսկին կժամանի Փարիզ։ Այս մասին հայտնում է Reuters-ը՝ հղում անելով ֆրանսիական հեռուստաալիքներին։
Զելենսկին Փարիզում կհանդիպի Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի հետ։
Սպասվում է, որ Զելենսկին Բրյուսել կժամանի հինգշաբթի։
Հիշեցնենք, որ այսօր պատերազմի մեկնարկից հետո առաջին անգամ Զելենսկին գտնվում է Մեծ Բրիտանիայում։ Նրան դիմավորել է Մեծ Բրիտանիայի վարչապետ Ռիշի Սունակը։
«Բարի գալուստ Միացյալ Թագավորություն»,- Twitter-ում գրել է Մեծ Բրիտանիայի վարչապետ Ռիշի Սունակը՝ ողջունելով Ուկրաինայի նախագահ Վլադիմիր Զելենսկին:
Վլադիմիր Զելենսկին ելույթ է ունեցել բրիտանական խորհրդարանում, նախատեսվում է նաև նրա հանդիպումը թագավոր Չարլզ III-ի հետ։
Տաթև Ֆռանգյան
