05.11.2024 | 19:30
Որոշ բուհեր կարող են փակվել․ օրենքի նոր նախագիծը մտահոգել է մասնագետներին․ ՏԵՍԱՆՅՈՒԹ
Մոսկվային սահմանակից Կալուգայի մարզում անօդաչու թռչող սարք է կործանվել․ նահանգապետ
Քաղաքականություն
06.02.2023 | 11:45
Մոսկվային սահմանակից Կալուգայի մարզի նահանգապետ Վլադիսլավ Շապշան հայտնել է, որ երկուշաբթի վաղ առավոտյան շրջկենտրոնի մոտակայքում անօդաչու թռչող սարք է պայթել, գրում է BBC-ի ռուսական ծառայությունը։
«Այս գիշեր Կալուգայի արվարձանների բնակիչները պայթյուն են լսել: Պարզվել է, որ առավոտյան ժամը 5:00-ին քաղաքի մերձակա անտառում 50 մետր բարձրության վրա օդում անօդաչու թռչող սարք է պայթել»,- գրել է նահանգապետն իր Telegram-ալիքում:
Նրա խոսքով՝ քաղաքացիական և սոցիալական օբյեկտներին վնաս չի պատճառվել, զոհեր և վիրավորներ չկան, «տեղում աշխատում են իրավապահ մարմինների ներկայացուցիչները»։
Հունվարին հայտնի դարձավ, որ Մոսկվայում տեղադրվել են հակաօդային պաշտպանության լրացուցիչ համակարգեր, այդ թվում՝ ՌԴ ՊՆ շենքի վրա։ Տելեգրամյան ալիքներն առաջ են քաշել վարկած, որ սա անօդաչու սարքերի միջոցով հարձակումները հետ մղելու նախապատրաստություն է։ Լրատվամիջոցները նաև ներկայացրել են վարկած, որ նման լուսանկարների հրապարակումը պետք է հոգեբանական ազդեցություն ունենա և քաղաքացիներին արտաքին սպառնալիքի զգացում ներշնչի։
Սա անօդաչու թռչող սարքերի հետ կապված առաջին միջադեպը չէ տարածաշրջանում, որի մասին հայտնում են ռուսական իշխանությունները: Հոկտեմբերին անօդաչու թռչող սարք է կործանվել Շայկովկա ռազմական օդանավակայանի տարածքում, ևս մեկ անօդաչու թռչող սարք է խոցվել շրջանի հարավում, հիշեցնում է РБК-ն։
Տաթև Ֆռանգյան
