26.02.2026 | 18:35
Հռոմում ընդունվել է Պարենի համաշխարհային ծրագրի՝ Հայաստանի 2026-2030 թթ. ծրագիրը
Ռուսաստանը պատրաստվում է լուրջ էսկալացիայի. ուկրաինացի պաշտոնյա
Քաղաքականություն
01.02.2023 | 11:55
Ռուսաստանի նախագահ Վլադիմիր Պուտինը պատերազմի մեկնարկից 1 տարի անց կարող է փորձել լայնածավալ նոր հարձակում իրականացնել հյուսիսից, հարավից և արևելքից, Sky News-ին ասել է Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովը։ Նրա խոսքով՝ Ուկրաինան պատրաստվում է Ռուսաստանի կողմից լուրջ էսկալացիայի, որը կարող է տեղի ունենալ առաջիկա երկու-երեք շաբաթվա ընթացքում։
«ՌԴ-ն հավաքում է բոլոր հնարավոր ուժերը, վարժանքներ և մարզումներ է անցկացնում»,- ասել է Դանիլովը։ Ըստ նրա՝ ամենածանր մարտերը դեռ առջևում են, և առաջիկա մի քանի ամիսները վճռորոշ կլինեն պատերազմում։
Պաշտոնյան միաժամանակ շեշտել է, որ այժմ ուկրաինացի զինվորականները շատ ավելի մեծ աջակցություն ունեն արևմտյան գործընկերներից, այդ թվում՝ Բրիտանիայից։
Տաթև Ֆռանգյան
