14.12.2025 | 20:34
Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում
Պեսկովը մեկնաբանել է Բորիս Ջոնսոնի խոսքերը Պուտինի սպառնալիքների մասին
Քաղաքականություն
30.01.2023 | 16:56
Դմիտրի Պեսկովը «սուտ» է անվանել Մեծ Բրիտանիայի նախկին վարչապետ Բորիս Ջոնսոնի խոսքերը, թե Պուտինն իրեն սպառնացել է հրթիռներով ուկրաինական պատերազմի սկսվելուց առաջ, գրում է ՌԻԱ Նովոստին։
Պեսկովի խոսքով՝ ՌԴ նախագահը Ջոնսոնի հետ զրույցում նշել է, որ Ուկրաինայի մուտքը ՆԱՏՕ և Ռուսաստանի սահմանների մոտ հրթիռների տեղակայումը «կնշանակի, որ ցանկացած հրթիռ հաշված րոպեների ընթացքում կհասնի Մոսկվա»։
Հիշեցնենք, որ Ջոնսոնը BBC-ի «Պուտինն ընդդեմ Արևմուտքի» ֆիլմում ասել էր, որ Պուտինի հետ խոսել է ուկրաինական պատերազմի սկսվելուց առաջ։ «Ինչ-որ պահի նա մի տեսակ սպառնաց ինձ և ասաց. «Բորիս, ես չեմ ուզում քեզ ցավեցնել, բայց հրթիռով դրա համար ընդամենը մեկ րոպե կամ մոտավորապես այդքան կպահանջի», – Պուտինի խոսքերն էր մեջբերել Ջոնսոնը:
Տաթև Ֆռանգյան
