25.11.2024 | 15:36
ՃՏՊ Աշտարակ-Ապարան ավտոճանապարհին. կան տուժածներ
24 ժամվա ընթացքում երկրորդ հարձակումը Երուսաղեմում. 13-ամյա պաղեստինցին «վնասազերծվել է»
Քաղաքականություն
28.01.2023 | 18:46
Երուսաղեմում 24 ժամվա ընթացքում տեղի է ունեցել արդեն երկրորդ հարձակումը։ Այս մասին տեղեկացնում է BBC-ի ռուսական ծառայությունը։
Սկզբում զինված տղամարդը կրակ է բացել Նևե Յակով շրջանում գտնվող սինագոգի մոտ, ինչի հետևանքով զոհվել է 7 մարդ։ Հրաձիգին ոչնչացրել են ուժայինները։ Ոստիկանությունը կատարվածն ահաբեկչություն է որակել։
Երկրորդ միջադեպը տեղի է ունեցել «Դավթի քաղաք» հնագիտական պեղումների կենտրոնի մոտ։ Այնտեղ 13-ամյա դեռահասը նույնպես կրակ է բացել մարդկանց վրա՝ վիրավորելով 23-ամյա երիտասարդին և նրա 47-ամյա հորը։ Նրանք ծանր վիճակում տեղափոխվել են հիվանդանոց։ Հարձակվող պաղեստինցի դեռահասը, ոստիկանության խոսքերով, «վնասազերծվել է», նրա վիճակի մասին ոչինչ չի հաղորդվում։
Ազգային անվտանգության նախարար Իտամար Բեն Գվիրը հայտարարել է, որ Իսրայելը պետք է պատասխանի այդ հարձակումներին։ Սպասվում է վարչապետ Բենյամին Նեթանյահուի նոր կաբինետի հանդիպումը, որի մեջ մտնում են ազգայնական կուսակցությունները, որոնք ավելի վաղ պաղեստինցիների դեմ ավելի կոշտ գործողությունների կոչ էին անում:
