25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Սարի թաղի գործով տասը կալանավորվածներից յոթն ազատ են արձակվել
Հասարակություն
14.06.2018 | 19:45
Երևանի ընդհանուր իրավասության դատարանից այսօր ազատ են արձակվել 2016 թվականի հուլիսին Սարի թաղում ոստիկանների և քաղաքացիների միջև տեղի ունեցած բախումների հետևանքով կալանավորված և նրանց նկատմամբ բռնություն գործադրելու մեջ մեղադրվողներից Կարեն Վանոյանն ու Սարգիս Արաբաջյանը:
Այս մասին Factor.am-ին հայտնեց Սարգիս Արաբաջյանի պաշտպան Լիպարիտ Սիմոնյանը՝ տեղեկացնելով, որ Սարի թաղի գործով տասը կալանավորվածներից յոթն արդեն ազատ են։ «Դատարանի որոշմամբ Կարեն Վանոյանի նկատմամբ խափանման միջոց ընտրվեց ստորագրություն չհեռանալու մասին, իսկ Սարգիս Արաբաջյանի նկատմամբ խափանման միջոց ընտրվեց 1 մլն դրամ գրավը»,- նշեց Լիպարիտ Սիմոնյանը:
Հիշեցնենք, որ նրանց մեղադրանք է առաջադրվել ՀՀ ՔՕ-ի 316-րդ հոդվածի 2-րդ մասի հատկանիշներով:
Գործով տուժող է ճանաչվել 7 ոստիկան:
