05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Լեհաստանն Ուկրաինային 60 PT-91 Twardy տանկ է տրամադրելու
Քաղաքականություն
27.01.2023 | 18:58
Ուկրաինայի նախագահի աշխատակազմի ղեկավար Անդրեյ Երմակը հայտնել է, որ Լեհաստանն ուկրաինական բանակին տրամադրելու է ևս 60 PT-91 Twardy տանկ՝ նախապես հայտարարված 14 Leopard 2 տանկերի հետ միասին, գրում է BBC-ի ռուսական ծառայությունը։
«Շնորհակալություն դաշնակիցներին։ Կջարդեն թշնամուն»,- գրել է Երմակը տելեգրամի իր ալիքում։
PT-91-ը լեհական հիմնական մարտական տանկն է, որը հիմնված է խորհրդային T-72M1-ի լիցենզավորված տարբերակի վրա:
«Մենք ձգտում ենք օրինակ ծառայել։ Լեհաստանն ուղարկել է 250 տանկ 6 ամիս առաջ կամ նույնիսկ ավելի։ Մենք Արևմտյան Եվրոպայի մեր գործընկերներին ասացինք, թե մենք քանի տանկ ենք արդեն մատակարարել, և որքան կարևոր է ունենալ ժամանակակից տանկեր նման պատերազմում: Ռուսներն ունեն պահեստներ, որոշ տվյալներով՝ ավելի քան 15,000 տանկ»,- ասել է Լեհաստանի վարչապետ Մատեուշ Մորավեցկին կանադական CTV News հեռուստաալիքին տված հարցազրույցում:
Էմմա Չոբանյան
