26.07.2026 | 21:56
Խուդաթյանը շրջայց է կատարել Իրանում կառուցվող թունելում և ճանապարհի կառավարման կենտրոնում
Պեսկովը հայտարարել է, որ Կրեմլն Արևմուտքին ընկալում է որպես «ուկրաինական հակամարտության մեջ անմիջականորեն ներգրավված կողմ»
Քաղաքականություն
26.01.2023 | 16:09
Կրեմլը կարծում է, որ ԱՄՆ-ի և արևմտյան այլ երկրների ներգրավվածությունը Ռուսաստանի և Ուկրաինայի միջև ռազմական հակամարտությունում աճում է։ Այս մասին հայտարարել է ՌԴ նախագահի խոսնակ Դմիտրի Պեսկովը, գրում է Կոմերսանտը։
Նա նշել է, որ Ռուսաստանի իշխանությունները համաձայն չեն արևմտյան առաջնորդների հետ, որ զենքի մատակարարումներն Ուկրաինային չեն նշանակում հակամարտությունում ներգրավվածություն։
«Եվրոպական մայրաքաղաքներից և Վաշինգտոնից անընդհատ հայտարարություններ են հնչում, որ զենքի տարբեր համակարգեր, այդ թվում՝ տանկեր Ուկրաինա ուղարկելը ոչ մի կերպ չի նշանակում այդ երկրների կամ դաշինքի ներգրավում Ուկրաինայում տեղի ունեցող ռազմական գործողություններին։ Մենք դրա հետ կտրականապես համաձայն չենք։ Մոսկվայում այն ամենը, ինչ անում է դաշինքը (ՆԱՏՕ-ն) և իմ նշած մայրաքաղաքները, ընկալվում է որպես հակամարտությունում ուղղակի ներգրավվածություն։ Մենք տեսնում ենք, որ այն աճում է»,- ասել է Պեսկովը։
Հավելենք, որ նախօրեին ԱՄՆ-ը և Գերմանիան հայտարարել էին, որ Ուկրաինային են փոխանցելու Abrams և Leopard 2 տանկեր, այլ երկրներ ևս հայտնել են ծանր սպառազինություն մատակարարելու ծրագրերի մասին։
Էմմա Չոբանյան
