17.05.2026 | 20:55
Ըմբիշ Էրիկ Ղազարյանը` Մ-17 ԵԱ բրոնզե մեդալակիր
Հետաքրքիր չէ հանդիպումը, ինձ համար Պուտինը ոչ ոք է․ Զելենսկի
Քաղաքականություն
26.01.2023 | 15:12
Ուկրաինայի նախագահ Վլադիմիր Զելենսկին հայտարարել է, որ շահագրգռված չէ ռուսական ռեժիմի ղեկավարի հետ հանդիպման հարցում ինչ-որ բանակցությունների համար, քանի որ պատերազմ սկսելուց հետո Պուտինն իր համար ոչ ոք է։ Այս մասին նա ասել է բրիտանական Sky News հեռուստաալիքին տված հարցազրույցում, որը հրապարակվել է հունվարի 26-ին։
«Ինձ հետաքրքիր չէ: Հետաքրքիր չէ հանդիպել, հետաքրքիր չէ խոսել… Ես իսկապես չեմ հասկանում, թե ով է որոշումներ կայացնում Ռուսաստանում: Ես չեմ ուզում կռվել Ռուսաստանի տարածքում: Ես պարզապես ցանկանում եմ, որպեսզի նրանք հնարավորինս շուտ դադարեցնեն պատերազմն ու հնարավորինս շուտ լքեն մեր երկիրը։ Ես ձեզ կարող եմ հստակ ասել, որ եթե նրանք լքեն մեր երկրի տարածքը, պատերազմը կդադարի։ Ահա և վերջ»,- ասել է ուկրաինացի առաջնորդը։
Լրագրողի հարցին՝ արդյո՞ք ուշ չէ բանակցությունների համար, Զելենսկին պատասխանել է․ «Լայնամասշտաբ ներխուժումից հետո ինձ համար Պուտինը ոչ ոք է»։
Տաթև Ֆռանգյան
