18.12.2025 | 20:30
Պուտինի հանցագործ ռեժիմը սնվում է պատերազմից՝ նոր էսկալացիայի կգնա, որ պատերազմը չդադարի․ Վահե Գասպարյան. ՏԵՍԱՆՅՈՒԹ
Հրդեհի կսկիծը դեռ բոլորիս ուսերին ծանրացած է և երկար է ծանրացած մնալու. Փաշինյան․ ՏԵՍԱՆՅՈՒԹ
Հասարակություն
26.01.2023 | 12:05
Կարող է հարց հնչել, թե կառավարությունն այս ի՞նչ է քննարկում, երբ որ իրավիճակը տարածաշրջանում լարված է, երբ որ հրդեհի կսկիծը դեռ բոլորիս ուսերին ծանրացած է և դեռ երկար է ծանրացած մնալու,- կառավարության այսօրվա նիստում այս մասին նշեց վարչապետ Նիկոլ Փաշինյանը՝ հավելելով, որ խոսքը երկրում ստանդարտներ հաստատելու կարևորության մասին է։
«Երկրում պետք է լինեն ստանդարտներ, և դրանք պետք է գործեն: Մենք պետք է արձանագրենք, որ ինստիտուտների կայացումն է այն բոլոր պրոբլեմների լուծումը, որ մենք ունենք»,- ընդգծեց Փաշինյանը:
«Մենք պրոբլեմ ունենք երկրում գծանշումների, ճանապարհների ու ճանապարհների սպասարկման հետ կապված։ Մենք ճանապարհներ ենք նորոգում առանց ենթակառուցվածքները պատշաճ նորոգելու։ Վերջերս եղա մի տեղում, տեսա մի ճանապարհ, որտեղ մենք մի քանի հարյուր միլիոն դրամ ենք ծախսել, այդ ճանապարհը հիմնանորոգել ենք, բայց ես տեսա, որ այդ ճանապարհը քանդած է։ Ինչու է քանդած։ Պարզվում է ջրի խողովակի վթար է եղել»,- նշեց Փաշինյանը՝ հավելելով, որ նման իրավիճակները պետք է բացառել։
Այս վերջերս մի ուրիշ ճանապարհի վրա՝ Գեղարքունիքի մարզում, մենք 40 տարի գոյություն չունեցող ճանապարհ ենք նորոգել, բարձր ստանդարտներով, բոլոր ճանապարհային նշաները տեղում էին, բոլոր գծանշումները տեղում էին, բայց տեսանք մի իրավիճակ, երբ տեղադրված աղբամանները դատարկ էին, բայց շուրջը այնքան աղբ կար, որ աղբահանությունից հետո մի հատ էլ պետք է նոր աղբահանություն իրականացնել»,- նշեց Փաշինյանը՝ հավելելով, որ մաքրության ստանադարտի, կրթության, որակի ստանդարտների խնդիր կա, և ընդգծելով՝ ստանդարտների բացակայության հետևանքով խնդիրներ են առաջանում։
Մանրամասները՝ տեսանյութում։
