14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ԱՄՆ-ում ցանկանում են COVID-19-ի դեմ պատվաստումը դարձնել ամենամյա
Քաղաքականություն
26.01.2023 | 19:15
ԱՄՆ առողջապահական ոլորտի պատասխանատուները ցանկանում են COVID-19-ի դեմ պատվաստումը դարձնել ամենամյա՝ գրիպի դեմ պատվաստման նման, գրում է VOA-ն։
Սննդամթերքի և դեղերի վարչությունն (FDA) առաջարկել է պարզեցված մոտեցում ապագա պատվաստումներին՝ թույլ տալով մեծահասակների և երեխաների մեծ մասին պատվաստվել տարին մեկ անգամ՝ մուտացիոն վիրուսից պաշտպանվելու համար:
Սա նշանակում է, որ ամերիկացիներն այլևս չպետք է հետևեն, թե քանի պատվաստում են ստացել կամ քանի ամիս է անցել վերջին խթանիչ չափաբաժնից:
Առաջարկը եղել է այն բանից հետո, երբ բուստերային պատվաստումները սկսել են կորցնել ժողովրդականությունը։ FDA-ն արտաքին փորձագետներից կազմված խմբի կարծիքը կլսի հինգշաբթի կայանալիք հանդիպման ժամանակ: Ակնկալվում է, որ գործակալությունը հաշվի կառնի նրանց խորհուրդները պատվաստանյութ արտադրողների ապագա պահանջների վերաբերյալ որոշում կայացնելիս:
Տաթև Ֆռանգյան
