25.11.2024 | 16:23
Երևանում տեղի է ունենալու «Ընդդեմ ցեղասպանության հանցագործության» 5-րդ գլոբալ ֆորումը
Աֆղանստանում անոմալ սառնամանիքներ են․ հարյուրավոր մարդիկ և կենդանիներ են ցրտահարվել
Քաղաքականություն
25.01.2023 | 16:45
Առնվազն 157 մարդ է մահացել Աֆղանստանում ցրտահարությունից՝ անոմալ ցուրտ ձմռան հետևանքով։ Այս մասին հայտնել է CNN-ը՝ վկայակոչելով «Թալիբան» շարժման ներկայացուցչին։
Ցուրտ եղանակի պատճառով մահացածների թիվը մեկ շաբաթվա ընթացքում կրկնապատկվել է։ Նաև ամբողջ երկրում ցրտահարվել է շուրջ 70,000 գլուխ անասուն:
Նշվում է, որ Աֆղանստանում գրանցվել է վերջին տարիների ամենացուրտ ձմեռներից մեկը։ Հունվարի սկզբին ջերմաստիճանն իջել է մինչև -28 աստիճան, ինչը շատ ցածր է տարվա այս եղանակի միջին ցուցանիշից, որը տատանվում է 0-ից 5 աստիճանի սահմաններում:
ՄԱԿ-ի հումանիտար հարցերի համակարգման գրասենյակը հայտարարել է, որ սկսել է օգնություն տրամադրել Աֆղանստանի բնակչությանը վերմակների, տաքացուցիչների և ապաստարանների տեսքով, որոնք նախատեսված են 565,000 մարդու համար:
Կլիմայի բացասական ազդեցությունը սրվում է հումանիտար ճգնաժամի պատճառով։ Գրեթե 30 միլիոն մարդ (բնակչության մոտ երկու երրորդը) օգնության կարիք ունի։
Տաթև Ֆռանգյան
