26.02.2026 | 23:09
Գերմանացի դատախազները պնդում են, որ Մերցին «Պինոկիո» անվանելը խոսքի ազատության դրսևորում է
Abrams-ները կվառվեն, ինչպես մյուս տանկերը․ Պեսկովը՝ Ուկրաինային ամերիկյան տանկերի փոխանցման մասին
Քաղաքականություն
25.01.2023 | 16:27
Կրեմլի խոսնակ Դմիտրի Պեսկովը մեկնաբանել է Ուկրաինային ամերիկյան Abrams տանկերի հնարավոր մատակարարման մասին՝ հայտարարելով, որ «դրանք կվառվեն այնպես, ինչպես մյուս բոլոր տանկերը», գրում է BBC-ի ռուսական ծառայությունը։
«Տեխնոլոգիական ասպեկտով դա բավական ձախողված պլան է, և որ ամենակարևորն է՝ սա հստակ գերագնահատում է այն ներուժը, որը կավելանա Ուկրաինայի զինված ուժերին: Սա ևս մեկ խորը մոլորություն է»,- ասել է Պեսկովը լրագրողներին։
Նրա խոսքով՝ ՌԴ իշխանությունների կարծիքը կիսում են փորձագետները, սակայն չի նշել, թե ինչ փորձագետների մասին է խոսքը։
Ավելի վաղ Պեսկովը նման կերպ էր խոսել նաև գերմանական Leopard-ների մատակարարումների մասին։
«Մենք բազմիցս ասել ենք, որ նման մատակարարումները հիմնովին ոչինչ չեն փոխի, այլ խնդիրներ կստեղծեն Ուկրաինայի և ուկրաինացի ժողովրդի համար»,- նախորդ շաբաթ ասել էր Կրեմլի խոսնակը։
Էմմա Չոբանյան
