13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
Էրդողանը չեղարկել է Բեռլին նախատեսված այցը
Քաղաքականություն
25.01.2023 | 18:51
Թուրքիայի նախագահ Ռեջեփ Թայիփ Էրդողանը չեղարկել է ուրբաթ նախատեսված աշխատանքային այցը Բեռլին՝ այն բանից հետ, երբ երկու կառավարությունները չեն կարողացել համաձայնության գալ Գերմանիայում թուրքական իշխող «Արդարության և զարգացում» կուսակցության նախընտրական արշավի հետ կապված։ Այս մասին հայտնել են գերմանական լրատվամիջոցները, որոնց վկայակոչում է Gercek news-ը։
Էրդողանի որոշումը կայացվել է այն բանից հետո, երբ Գերմանիայի կանցլեր Օլաֆ Շոլցի արտաքին քաղաքականության հարցերով խորհրդական Յենս Պլոետները և Էրդողանի խորհրդական Իբրահիմ Քալընը չեն կարողացել համաձայնության գալ հանդիպման թեմաների ու ժամկետի շուրջ։
RND-ն նշում է, որ գերմանական կողմը ցանկանում է, որ Էրդողանը հրապարակայնորեն քննադատի իր կուսակցության պատգամավոր Մուսթաֆա Աչըքգյոզի ելույթը Նոյսում, որտեղ նա կոչ է արել ծայրահեղ ազգայնական լսարանին ջարդել «ահաբեկիչներին» Գերմանիայում՝ նկատի ունենալով քուրդ ակտիվիստներին և Ֆեթուլլահ Գյուլենի հետևորդներին:
Frankfurter Rundschau-ն ևս հաստատել է, որ Շոլցը պնդել է Էրդողանին՝ հրապարակայնորեն քննադատել Աչըքգյոզի ատելության խոսքը:
Էմմա Չոբանյան
